Jueces 7:2 - Bible in Tzeltal de Oxchuc y Tenejapa

² Te Cajwaltic la yalbey te Gedeón: —Mero bayal ta jyalel te israel-winiquetic te awic'oj tele. Te yacuc cac'bey stsal te madianetic, repente ya yalic ta swenta stoybailic te ju' yu'unic scoltayel sbaic ta stuquelique.

Bible in Tzeltal Bachajón

² Te Jehová hich la yalbe te Gedeón: Mero bayel winiquetic sjoquinejat yu'un te ya ca'beyex ta ac'abic te madianetic, ya wan stoy sbahic ta jtojol te Israel, hich wan ya yalic: Hu' cu'untic la jcoltay jbahtic, xchihic wan.

Jueces 7:2 Referans Kwoze

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

Romanos 11:18

Jich yu'un, ma me xatoy abaic ta stojol te mach'a mero sc'abe. Teme jich ya apasique, na'aic me te ma ja'uc cuxul ta awentaic te yisim olivo-te'e, ja' cuxulex ta swenta stuquel.

Efesios 2:9

Ma ta swentauc awat'elic, swenta yu'un ma ba ya atoyes q'uinal awaiyic yu'un.

Zacarías 12:7

“Pero jo'on te Ajwalilon, ja' sbabial ya jcoltay te sts'umbal Judá, swenta yu'un ma me ja'uc ya xtoy yutsil sc'oplal te patil alnich'anetic yu'un David, soc te mach'atic nainemic ta Jerusalén, ma me xtoy yutsil sc'oplalic ta stojolic te sts'umbal Judá.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Ezequiel 28:17

Ja' la yac'bat atoy aba te at'ujbilale, ja' te axojobil te la yac' ch'ayuc te ap'ijile. Jo'on la jch'ojat coel ta lum; la cac'at ta tse'luyel ta stojol muc' ajwaliletic.

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

Deuteronomio 32:27

pero ma jc'an te ya xlabanwanic ta jtojol te jcontrotaque. Ma ba la jc'an te ya stoy sbaic yu'un, teme jich ya yalique: “Ma ja'uc te Cajwaltic te jich la spasbotic in to, jo'otic nix la jpastic ta swenta quiptic”, teme xiique’, xi' te Cajwaltique.

Romanos 3:27

¿Banti ay te bila ya jtoy jbatic yu'une? Ma'yuquix swentail. ¿Bi yu'un jiche? ¿Ja' bal ma xju' ya jtoy jbatic yu'un te ma ba ju' cu'untic xch'uunel te mandalile? Ma'uc. Melel ja' nax ya cac' xch'uunjel co'tantic ta swenta te Jesuse.

Habacuc 1:16

Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Ezequiel 28:2

—Ja'at winic, c'opona te muc' ajwalil yu'un Tiro, jich xawalbey: “Te Cajwaltic jich ya yalbat: ‘Te ja'ate noj toybail ta awo'tan, la acuy aba ta Dios; nacalat ta smuc'ul nactijib diosetic la awaiy, soc joytaybilat yu'un mar. Pero ma diosucat, winicat nax. Ya acuy aba te awich'ojbey sp'ijil yo'tan te Diose.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Isaías 10:13

Te muc' ajwalil yu'un Asiria la yalix: “Jo'on la jpas soc quip jtuquel; jo'on sp'ijil co'tan, la jchap te bila ya jpase. La jelbeyix yawil smojonil sq'uinalic te nacionetic, la cu'uninbeyix te sc'ulejalique. Te bit'il mero tulan ayone, la jyales te muc' ajwaliletique.

2 Crónicas 14:11

Te Asa la sc'opon Dios, jich la yal: —Cajwal, pajal sc'oplal ta awo'tan atuquel, manchuc me tulanic o peq'uelic. Jich yu'un coltayawotic, Cajwal te Diosat cu'untic, ja' me smuc'ulat co'tantic atuquel, ja' me ya cac'bat ta awenta te ya jtsac jba soc te bayal winiquetique. Te ja'at Cajwal, ja' Diosat cu'untic. Ac'a ta ilel te bit'il ma'yuc mach'a cajal xan a te bit'ilate —xi' ta sc'oponel te Diose.

Isaías 2:17

Te mach'atic muc' yac'oj sbaic soc te toyol yac'oj sbaique, jc'axel me ya yich'ic pejc'anel ta jyalel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule;

Santiago 4:6

Bayal yutsil yo'tan cu'untic te Diose. Jich te bit'il ts'ibubil jilel ta Sjun te Diose: “Dios scontroinej te mach'atic stoyoj sbaique, yan te mach'atic peq'uel yac'oj sbaique ya xc'uxtay stuquel”, te xie.

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

Deuteronomio 8:18

Ya me sc'an ya ana'ic te Cajwaltic te Dios cu'untic, melel ja' nix stuquel te yac'ojbeyex awipic ta stael, swenta yu'un jich ya xc'ot ta pasel yu'un a te bila trato chapale, te ja' xchapoj soc te antiguo jme'-jtatique.

Génesis 46:2

Ta swaich c'oponot yu'un Dios ta ajc'ubal te mamal Israel, jich albot yu'un: —Jacob, Jacob —xi'. La sjac' te mamal Israel: —Li' ayon to —xi'.

Números 31:4

Ta juju-jchajp ya me sticun jmil (1,000) ta jtul winiquetic yu'un guerra —xi'.