Jueces 7:19 - Bible in Tzeltal de Oxchuc y Tenejapa

¹⁹ Ja' yu'un te jo'winic (100) swinictac Gedeón, c'ot soc ta jejch' sti'il scampamento te madianetique. Ja' yorailix a te ya sjel sbaic te jcanantaywanejetique, yu'un olilix ajc'ubal a. Jich la yoq'uesinic te xulubil, soc la swuyic te q'uibetic yich'ojic bael ta sc'abique.

Bible in Tzeltal Bachajón

¹⁹ Hich te Gedeón soc te ho'winic (100) ta tuhl winiquetic sjoquinejic c'ohtic ta sti'il te campamento ta yorahil a te ya sjel sbahic ta j'ohlil ahc'abal te jcananetic. La yoq'uesinic te xulubiletic soc la swuyic te q'uibetic yich'ojic ta sc'abique.

Jueces 7:19 Referans Kwoze

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

1 Tesalonicenses 5:2

melel ana'ojic stojol ta lec te bit'il ya xc'ot sc'aalelal te Cajwaltique. Jich ay te bit'il ya xtal j'elec' ta ajc'ubale.

San Mateo 25:6

“Ta olil ajc'ubal la yaiyic stojol aw: “Talix te winic ya xnujbine. La'ic me ta stael bael”, xi' te awe.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Jueces 7:16

Te jo'lajunwinic (300) ta jtul winiquetic, oxchajp la sloq'ues a. La yac'bey xulubil ta spisilic ta juju-jtul, soc la yac'bey jochol q'uibetic te ja' nax yac ta tilel c'ajc' ta yutile.

Éxodo 14:24

Ijc' to a te q'uinal te Cajwaltic la yil loq'uel ta yolil te balal tocal soc te c'ajq'ue. Ja' tijbotic jajch'el xiwel yu'un ta stojolic te egipcioetic, jich nax ma tojobic jajch'el ta beel.

Jueces 7:18

Te jo'on soc te mach'a ya join bael, ya me coq'uesintic te xulubiletique. Jich me ya xjajch' awoq'uesinic ta sjoyobal ta spisil scampamentoic, soc awunanic: “¡Ta swenta Cajwaltic, soc ta swenta Gedeón!” xaex me ta aw —xi'.

Jueces 7:20

Ta yoxchajbalic jun nax la yoq'uesinic te xulubil yich'ojic ta sc'abic, soc la swuyic te sq'uibique. Ta xq'uexen sc'abic la yich'ic bael te sc'ajq'uique, yan te xulubil ay ta swa'el sc'abic stuquel, soc awunic: “¡Guerra ta swenta Cajwaltic, soc ta swenta Gedeón!” xiic ta aw.

Salmos 90:4

Melel te jmil ja'wil ta atojol jich c'oem awu'un te bit'il jun c'aal c'ax te wojeye. Jich nax c'oem te bit'il jun cheb nax ora ta ajc'ubale.