Jueces 7:17 - Bible in Tzeltal de Oxchuc y Tenejapa

¹⁷ Jich la yalbey: —C'alal ya xc'oon ta jejch' sti'il scampamento te jcontrotic, ila me awilonic, jich nix me xapasic te bit'il ya jpas awilique.

Bible in Tzeltal Bachajón

¹⁷ Hich la yalbe: Ilawonic soc hich me xapasic te bin ya jpas ho'on. C'alal ya xc'ohon ta sti'il te campamento, hich me xapasic te bin ya jpas te ho'one.

Jueces 7:17 Referans Kwoze

1 Corintios 11:1

Ja' me xanopic spasel te bila ya jpase, jich te bit'il la jnopbey te bila la spas te Cristoe.

1 Pedro 5:3

Ma me xacuy abaic ta ajwalil ta stojol te mach'atic acanantayejique. Yu'un ja' ejemploex yu'un te chijetique.

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

Jueces 9:48

Bajt' spisil soc swinictac ta wits Salmón. La sboj coel sc'ab te' ta echej, la yac' bael ta snejq'uel. Jich la yalbey ta spisil te swinictac te ora nax ac'a spasic jich te bit'il yac ta spasel ya yilique.

Jueces 7:16

Te jo'lajunwinic (300) ta jtul winiquetic, oxchajp la sloq'ues a. La yac'bey xulubil ta spisilic ta juju-jtul, soc la yac'bey jochol q'uibetic te ja' nax yac ta tilel c'ajc' ta yutile.

Jueces 7:18

Te jo'on soc te mach'a ya join bael, ya me coq'uesintic te xulubiletique. Jich me ya xjajch' awoq'uesinic ta sjoyobal ta spisil scampamentoic, soc awunanic: “¡Ta swenta Cajwaltic, soc ta swenta Gedeón!” xaex me ta aw —xi'.