Jueces 7:14 - Bible in Tzeltal de Oxchuc y Tenejapa

¹⁴ Te sjoy la sjac': —Ma'yuc bi yan swentail abi. Ja' ya yac' ta na'el stojol te ja' seña spuñal Gedeón te snich'an Joás, te israel-winique. Dios ya yac'otic ta sc'ab Gedeón jo'otic te madianotic soc spisil te campamento cu'untique —xi'.

Bible in Tzeltal Bachajón

¹⁴ Hich la sjac' te smohlol: Mayuc bin yan scuentahil, ha nix te espada yu'un Gedeón snich'an Joás, te israel-winic. Dios ya'beyej ta sc'ap Gedeón te madianetic soc spisil te campamento, xchi.

Jueces 7:14 Referans Kwoze

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Job 1:10

Te ja'at ma xawac' te ay bila ya xtaot yu'un, ni ja'uc te mach'atic ay yu'un, soc ni ja'uc te bitic ay yu'une. Ja'at ya awac'bey bendición spisil te bitic ya spase. Ja' nax mero jc'ulej winic ta swenta te xchamsbalam.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Números 23:20

Jo'on quich'oj mandal ta sc'anel bendición; teme Dios ya yac' bendición, ma xju' ya jcontroin.

Números 23:5

Jich yu'un te Cajwaltic la yac'bey ta ye te Balaam te bila ya yale, jich la yalbey: —Sujt'an bael ta bay Balac, jich ya awalbey te bit'il nix calojbate —utot.

Números 22:38

Te Balaam la sjac': —Pero li' ayonix to, tal cula'tayatix. Ja'uc me to, ma me ayuc cu'el ta c'op jtuquel, ja' nax me ya cal te bila ya yalbon te Diose —xi' te Balaam.

Jueces 7:13

C'ot te Gedeón c'alal ta scampamentoic te scontroe. Tey la yaiybey stojol sc'op te jtul soldado te yac yalbel yaiy te jtul sjoy te bi swaichineje. Jich yac ta yalel: —La jwaichin te ay jpejch' pan te pasbil ta cebada, stselelet nax tel c'alal ta campamento cu'untique, jul sbot'q'uin te nailpaq'ue —xi'.

Jueces 7:15

Te Gedeón la yaiy stojol bi yac ta yalel sbaic sc'oplal te swaiche, jich la yalbey wocol te Cajwaltique. Sujt' bael ta scampamentoic, jajch' spas ta mandal te winiquetic: —Jajch'ucotic me, te Cajwaltic ya yac'botic ta jc'abtic te madianetic soc te scampamentoic —xi'.

Jueces 3:28

Te Aod la yalbey te ya me sts'aclinic bael, melel te Cajwaltic ya yac'bey stsal te scontroique, ja' te moabetique. Jich la sjoinic bael. La yich'ic te tec'oja' yu'un Jordán, soc ma'yuc mach'a la yac' c'axel jtuluc.

1 Samuel 14:12

Ora la yawtayic te Jonatán soc te abat yu'une: —La', moanic tel tey te banti ayotique. Ay me bi ya calbeytiquex awaiyic —xiic. Te Jonatán la yalbey te abat yu'une: —La' me, conic, melel te Cajwaltic ya yac'botic ta jc'abtic yo'tic te israelotic te filisteoetique —xi'.