Jueces 7:12 - Bible in Tzeltal de Oxchuc y Tenejapa

¹² Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.

Bible in Tzeltal Bachajón

¹² Te madianetic, amalequetic soc te mach'atic talemic ta stojol banti ya xloc' tal c'ahc'al spucoj sbahic ta spamlej hich te bin ut'il ipal c'ulubetic, soc te camellohetic yu'unic ma hu' ta ahtayel hich te bin ut'il shi'al sti'il mar.

Jueces 7:12 Referans Kwoze

Jueces 8:10

Te Zeba soc te Zalmuna tey ay ta lum Carcor soc te jo'lajunmil (15,000) swinictac, te ja' xanix jilemic ta spisilic te soldadoetic talemic ta stojol sloq'uib c'aal. Melel lajemiquix wacwinic ta jmil (120,000) te swinictaque.

Jueces 6:5

La yich'ic tel snailpaq'uic soc xchamsbalamic, jich la yochintayic te lumq'uinal soc la slajinic ta spisil. La yiq'uic tel camelloetic, mero c'ax bayal ta jyalel, jich talic te bit'il ya xtalic te c'ulubetique.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Josué 11:4

Spisil te muc' ajwaliletic talic soc spisil te soldadoetic yu'unique, mero bayal caballoetic soc carretaetic yu'un guerra. Bayal ta jyalel te soldadoetic, mero ma xju'ix ta ajtayel, jich bit'il juju-jp'ij sit ji' ta sti'il te mare.

Salmos 33:16

Ni jtuluc muc' ajwalil ya xcoltayot yu'un te bayal ta jyalel te soldadoetic yu'une; ni jtuluc ya xcoltayot yu'un te mach'atic muq'uic te bayal yipique.

Salmos 3:1

Cajwal, bayal te jcontrotac, bayal te mach'atic yo'tan yuts'inonique.

1 Reyes 4:30

C'ax jich a te sp'ijil Salomón te bit'il sp'ijilic te egipcioetic, soc nix te mach'atic ayic ta stojol sloq'uib c'aale.

Jueces 6:33

Spisil te madianetic, te amalequetic soc te mach'atic talemic ta stojol sloq'uib c'aale, la stsob sbaic tel, c'axic tel ta muc'ja' Jordán. La sleic banti ya spas scampamentoic ta spamlej q'uinal Jezreel.

Jueces 7:13

C'ot te Gedeón c'alal ta scampamentoic te scontroe. Tey la yaiybey stojol sc'op te jtul soldado te yac yalbel yaiy te jtul sjoy te bi swaichineje. Jich yac ta yalel: —La jwaichin te ay jpejch' pan te pasbil ta cebada, stselelet nax tel c'alal ta campamento cu'untique, jul sbot'q'uin te nailpaq'ue —xi'.

1 Samuel 30:17

Te David jajch' yac'bey guerra ta sab ja' to c'alal mal c'aal. Mero spisil la slajin, ja' xanix ma ba lajic jbajc' (400) queremetic scaj te mo ta scamelloique, jich la scoltay sbaic bael.

Jeremías 46:23

¡Ya me sts'etic te pimil ja'maletique! Jo'on Ajwalilon, jich ya cal. C'ax to xan bayal yajtalul a bit'il te c'ulubetique, ma'yuc mach'a ya xju' yu'un yajtayel.

1 Samuel 13:5

Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.

1 Reyes 20:27

Jich nix te israeletic la yajtayic te soldadoetic yu'unique. La yac'beyic bi ya xtuun yu'unic, bajt'ic ta stael te siriaetique. C'o yac' scampamentoic ta stojol te banti ayic te siriaetic. Te israeletic pajal yilelic soc cha'tsojp tentsunetic, yan te siriaetic spisil smacojic te q'uinale.