Jueces 7:1 - Bible in Tzeltal de Oxchuc y Tenejapa

¹ Te Gedeón, te Jerobaal sbiilix yu'unique, buen sab jajch'ic soc spisil te mach'atic sjoineje, ba spas scampamentoic ta bay sloq'uibja' yu'un Harod. Yan te bay spasoj scampamentoic te madianetic, ja' ay ta stojol norte ta spamlej yoc wits More.

Bible in Tzeltal Bachajón

¹ Te Jerobaal, ha te Gedeón, soc spisil te mach'atic sjoquinej, sab hahchic soc baht spas scampamentohic ta sloq'uib-ha' yu'un Harod. Te campamento yu'un te madianetic hil ta stojol norte ta spamlej ta nopol te tsehl yu'un More.

Jueces 7:1 Referans Kwoze

Jueces 6:32

Jich yu'un te Gedeón la yac'beyic sbiilin Jerobaal. Jich la yalic: “Ac'a scoltay sba Baal ta stojol te scontroe”, xiic, melel ja' nix te Gedeón la sjinbey scajtijib smajt'an te Baale.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Génesis 12:6

Yacalix ta c'axel bael ta sq'uinal Canaán te Abram, c'ot ta Siquem ta bay teq'uel jijte' te More sbiile. Te cananeoetic ja' yajwal te q'uinale.

Josué 6:12

Te Josué buen sab jajch' ta yan c'aal. Te sacerdoteetic la sq'uechic bael te cajón yu'un te Cajwaltique.

Josué 3:1

Ta yan c'aal ta buen sab te Josué soc spisil israeletic loq'uic bael ta Sitim, c'otic ta muc'ja' Jordán, tey c'o spas scampamentoic a.

Deuteronomio 11:30

Ja' witsetic in to ayic ta jejch' ja' Jordán, ta jejch' be ta stojol smalib c'aal, ta slum-sq'uinal cananeoetic te ayic ta nainel ta stenlej xatal q'uinale, te yelawinej sba soc Gilgal te nopol ay soc jijte'etic yu'un More.

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Jueces 6:40

Ta ajc'ubal jich la spas te Diose. Ta sab, taquin a jil te stsotsil snujc'ulel chije, yan ta bay sjoyobal, te lumq'uinal ajch'em jilel spisil yu'un te ts'ujul ta ajc'ubale.

Jueces 8:29

Te Jerobaal, ja' te Gedeón, bajt' ta sna. Ay lajuneb xchanwinic (70) ta jtul snich'nab, melel ay bayal ta jtul te yiname.

1 Samuel 12:11

“Patil te Cajwaltic la sticun Jerobaal, Barac, Jefté soc jo'on te Samuelon, swenta yu'un ya jcoltaytiquex loq'uel ta sc'ab te acontroic, jich jun awo'tanic ya x'ainex.

2 Samuel 23:25

Sama, talem ta Harod; Elica, talem nix ta Harod;

Salmos 83:9

Jich xapasbey ta stojolic te bit'il la apasbey te Madián, jich bit'il la apasbey Sísara, jich bit'il la apasbey Jabín ta beja' Cisón

Jueces 6:33

Spisil te madianetic, te amalequetic soc te mach'atic talemic ta stojol sloq'uib c'aale, la stsob sbaic tel, c'axic tel ta muc'ja' Jordán. La sleic banti ya spas scampamentoic ta spamlej q'uinal Jezreel.

1 Samuel 29:1

Te soldado-filisteoetic la stsob sbaic ta spisilic ta lum Afec. Jich te israeletic la spas scampamentoic ta sloq'uibja' te ay ta Jezreel.