Jueces 6:5 - Bible in Tzeltal de Oxchuc y Tenejapa

⁵ La yich'ic tel snailpaq'uic soc xchamsbalamic, jich la yochintayic te lumq'uinal soc la slajinic ta spisil. La yiq'uic tel camelloetic, mero c'ax bayal ta jyalel, jich talic te bit'il ya xtalic te c'ulubetique.

Bible in Tzeltal Bachajón

⁵ Talic soc snahilpaq'uic soc schansbahlamic hich te bin ut'il c'ax bayel c'ulubetic. Ma ba hu' ta ahtayel soc scamellohic; ha talic yu'un ya sjinic te q'uinale.

Jueces 6:5 Referans Kwoze

Jueces 7:12

Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.

Jueces 8:10

Te Zeba soc te Zalmuna tey ay ta lum Carcor soc te jo'lajunmil (15,000) swinictac, te ja' xanix jilemic ta spisilic te soldadoetic talemic ta stojol sloq'uib c'aal. Melel lajemiquix wacwinic ta jmil (120,000) te swinictaque.

Jeremías 49:32

Elc'anbeyaic te scamelloic soc spisil te xchamsbalamique. Ya me jpuc bael ta bayuc ta juju-jejch' q'uinal te winiquetic te ya xjox xujc' xchiquinic; spisil ta juju-jejch' ya me cac'bey tel jinel ta stojolic. Jo'on Ajwalilon, jich ya cal.

Jeremías 49:29

Ochuc ta ac'abic te snailpaq'uic soc te chijetic yu'une, te paq'uetic yu'un soc spisil te sbiluquile. Pojbeya te camelloetic yu'une soc awtayaic: “¡Ay xiwel ta bayuc ta spisil!” xaanic me ta stojolic.

Jeremías 46:23

¡Ya me sts'etic te pimil ja'maletique! Jo'on Ajwalilon, jich ya cal. C'ax to xan bayal yajtalul a bit'il te c'ulubetique, ma'yuc mach'a ya xju' yu'un yajtayel.

Isaías 60:6

Ya me awil te xcholoj sbaic ta beel ta aq'uinal te camelloetic te ya xtalic ta Madián soc ta Efá; ya me xtalic spisilic ay ta Sabá, scuchojic ya xtalic oro soc pom, soc ya me yalbeyic sc'oplal yutsil yat'el te Cajwaltique.

Isaías 13:20

Jtul ma'yuc mach'a ya xba nainuc tey a, ma'yuc mach'a ya sle bitic ya xtuun yu'un tey a. Te árabeetic ma ba ya spas xan scampamento tey a, ni ma'yuc mach'a ya xba scanantay xchijic tey a.

Cantares 1:5

Antsetic ta Jerusalén, ijc'al antson, pero t'ujbilon; ijc'on jichuc campamento yu'un Cedar, buen t'ujbilon jichuc spac'al snailpac' Salomón.

1 Samuel 30:17

Te David jajch' yac'bey guerra ta sab ja' to c'alal mal c'aal. Mero spisil la slajin, ja' xanix ma ba lajic jbajc' (400) queremetic scaj te mo ta scamelloique, jich la scoltay sbaic bael.

Jueces 8:21

Jich yu'un te Zeba soc te Zalmuna la yalbeyic te Gedeón: —Milawotic ja'at. Teme winicate, ya xna'ot ta swenta te atulanile —xiic. Te Gedeón och ta smilel soc la stsacbey te xch'alil te ay ta snuc' te camelloetic yu'un Zeba soc Zalmuna.

Deuteronomio 28:33

Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.

Jeremías 51:14

Te Cajwaltic te Spisil ya xju' yu'une, yaloj ta jamal stuquel: —Ya jnojesbat tel bayal acontrotac, jich bit'il c'ulubetic; soc ya me xc'ajinic ta tsalaw ta atojol —xi'.