Jueces 6:4 - Bible in Tzeltal de Oxchuc y Tenejapa

⁴ C'otic ta spasel scampamentoic ta sq'uinal te israeletique. Jujun ja'wil la slajinbeyic sit te yawal-sts'unubic c'alal ta sq'uinal Gaza. Ma'yuc bitic ijq'uitaybotix swe'elinic te israeletic, ni ja'uc te xchijic, swacaxic soc te sburroic te ya xtuun xan yu'unique.

Bible in Tzeltal Bachajón

⁴ La spas scampamentohic ta stojol te israeletic soc la slajimbeyic sit sts'unub-yawalic c'alal ta Gaza. Mayuc we'elil hil yu'unic ta Israel, o tuminchijetic, wacaxetic o burrohetic.

Jueces 6:4 Referans Kwoze

Levítico 26:16

Ja' yu'un te jo'one jich me ya jpasbeyex ta atojolic: Ya jticunbeyex ta atojolic buen tulan xiwel, tulan chamel swenta lajinwanej, c'ajc'al chamel, chamel ta asitic, soc ya xlaj yip te abaq'uetalic. Tojol me ya awac' awocolic ta ts'unbajel, melel ja' me ya swe'ic te acontroic te sit ya xloq'ue.

Deuteronomio 28:51

Ya me sti'bat te yalatac te achambalam soc te sit awawal-ats'unub ta aq'uinale, ja' to teme laj spisil te abiluque. Ma me ba ya yijq'uitaybat trigo, ni vino, ni aceite, ni ja'uc te yalatac te wacaxetic awu'un soc te yalatac me' chijetic awu'une. Jich me ya xlajat yu'un wi'nal.

Miqueas 6:15

Ya awaiy ts'unbajel, ja'uc me to, ma ba ya ac'aj. Ya ajuch'bey sit olivo, ja'uc me to, ma ba ya atuuntesbey te yaceiteile. Ya apits' ta teq'uel te ts'usube, ja'uc me to, ma ba ya awuch'bey te ya'lele.

Deuteronomio 28:33

Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.

Proverbios 28:3

Te ajwalil amen yo'tan, teme ya xjajch' yuts'in te mach'atic ma'yuc bila ay yu'unique, jich c'oem te bit'il tulan ja'al, te ma'yuc bi ya yac' jc'ajtic loq'uele.

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Génesis 10:19

Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa.

Abdías 1:5

—Te taluc j'eleq'uetic ta ajc'ubal ta yelc'anbelat, ma ba la yich'ic bael spisil; te taluc ta atojol te mach'atic ya stulic ts'usub, ay to nix a jil yu'unic te jichuque. Yan te acontrotaque jc'axel la sjinat ta jyalel.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Jeremías 5:17

Ya me swe'elinbat te bila loq'uem ta c'ajel awu'une soc ya me swe'bat te awaje, soc ya me sbic'bat c'oem te anich'nab queremetic soc te ach'ixetique. Ya me sti'beyex te chijetic awu'unic, te awacaxic, te ts'usubiltic soc te higueraetic awu'une. Ta yat'ejibic yu'un guerra ya sjinic a te lumetic tulanic sts'ajc'ul te smuc'ulinej awo'tanique —xi' te Cajwaltique.