Jueces 6:39 - Bible in Tzeltal de Oxchuc y Tenejapa

³⁹ Ja'uc me to, te Gedeón jich la yal: —Ma me x'ilinat ta jtojol yu'un te ay bi ya calbat xan: yu'un ya jc'an ya jpas jun xan prueba quil. Yo'tic, taquin ac'a jiluc te snujc'ulel chije. Te ts'ujul ta ajc'ubal, ajch'em ac'a jiluc yu'un te lumq'uinale —xi'.

Bible in Tzeltal Bachajón

³⁹ Pero te Gedeón la yalbe te Diose: Ma me xtihl awilimba ta jtojol teme ya jc'oponat xan: ya jpas jun xan prueba quil soc te stsotsel tuminchij. Awocoluc, taquin ac'a hiluc te stsotsel, ac'a cohuc ta lum te ts'ujule, xchi.

Jueces 6:39 Referans Kwoze

Génesis 18:32

La yalbey xan: —Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'. Albot yu'un: —Ta scaj te lajuntule, ma ba ya cac' lajuc —xi'.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

San Mateo 8:12

Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

Hechos 28:28

Na'aic me stojol jiche: Ja' me ya xc'ot ta swentaic te jyanlumetic te bit'il ay colel yu'un te Diose. Ja' me ya yaiyic stojol stuquelic —xi' te Pabloe.

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Jueces 6:38

Jich a c'ot ta pasel. C'alal jajch' te Gedeón ta sab, la spits'bey loq'uel ya'lel te stsotsil te nujc'ule. Noj jun taza yu'un te ya'lele.

Jueces 6:40

Ta ajc'ubal jich la spas te Diose. Ta sab, taquin a jil te stsotsil snujc'ulel chije, yan ta bay sjoyobal, te lumq'uinal ajch'em jilel spisil yu'un te ts'ujul ta ajc'ubale.

Génesis 18:30

Soc la yalbey xan wocol: —Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'. Albot yu'un: —Ma ba ya jpas jich teme ay lajuneb xcha'winic (30) ya jta —xi'.