Jueces 6:34 - Bible in Tzeltal de Oxchuc y Tenejapa

³⁴ Te espíritu yu'un Cajwaltic wentainot ta jyalel yu'un te Gedeón. Jich la yoq'uesin xulubil swenta yu'un jun nax me ya xtal yac' sba soc te mach'atic sts'umbal Abiezer.

Bible in Tzeltal Bachajón

³⁴ Te Gedeón u'untayot yu'un te espíritu yu'un Jehová. C'alal la yoq'uesin te xulubil, tal ta joquinel yu'un te abiezeretic.

Jueces 6:34 Referans Kwoze

2 Crónicas 24:20

Jich yu'un te Zacarías, te snich'an sacerdote Joiada, wentainot yu'un te espíritu yu'un Dios, ba stejc'an sba ta bay toyol, jich la yalbey te lume: —Dios ya yalbeyex: “¿Bi yu'un ma xach'uunbonic te mandaliletic cu'un? ¿Bi yu'un te ja'ex nix ya aleic atuquelic te awocolique? Te bit'il la awijq'uitayon ta awo'tanic, jich ya quijq'uitayex ta co'tan uuc”, xi' me ta atojolic te Diose —xi'.

1 Crónicas 12:18

Jich yu'un te Amasai, te jtsobwanej yu'un te lajuneb xcha'winic (30) ta jtule, ja' u'uninbil yu'un te espíritu, jich la yal: —¡David, lamaluc q'uinal ta atojol, ja'at te snich'anat Isaí! ¡Lamaluc me q'uinal ta atojol! ¡Lamaluc me q'uinal ta atojol soc ta stojol te mach'atic ya scoltayate, melel scoltayejat te Dios awu'une! —xi' ta yalel. Te David la yic' ta stojol, soc la yac'bey yat'elic soc te yantic jtsobwanejetic yu'un te soldadoetique.

Jueces 3:27

C'alal c'ot ta sq'uinal israeletic, la yoq'uesin xulubil ta bay witstiquil yu'un Efraín ta swenta yiq'uel tel te israeletique. Spisilic coic bael ta witstiquil, tsobilic bael yu'un Aod.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Gálatas 3:27

Melel te jayebex te awich'ojic ja' ta swenta te Cristoe, ja' ac'u'inejiquix te Cristoe.

Salmos 51:11

Ma me xapijt'eson soc ma me xach'ayon ta awo'tan; ma me xapojbon loq'uel te ch'ul espíritu awu'une.

1 Samuel 16:14

Pero te Saule pijt'esot yu'un te espíritu yu'un te Cajwaltique. Ay bol espíritu yac ta uts'inel yu'un, te ja' nix ticunbot yu'un te Cajwaltique.

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

Jueces 8:2

Ja'uc me to, la sujt'esbey sc'opic: —¿Yu'un bal ma x'ana'ic stojol te bi la apasic te ja'exe, c'axem jich sc'oplal a te bi la jpastic te jo'otique?

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

Josué 17:2

Ja' nix jich la spasbeyic snumeroil ta na'el te mach'a ya xc'ot ta swentaic te jayeb xan sts'umbal Manasés, ja' chican te jayeb ta jchajp te sbiilique: ja' te Abiezer, Helec, Asriel, Siquem, Hefer soc Semida, ja'ic te snich'nab Manasés, te smamatac José.

Números 10:3

C'alal ya yich' oq'uesinel xchebal te oq'ues, spisil lum ya me stsob sbaic tel ta atojol ta yochibal te Nailpac' te bay ya quich' c'oponele.

1 Samuel 13:3

Te Jonatán la slajin te jchajp soldado-filisteoetic ayic ta lum Gabaa; la yaiyic te filisteoetique. Te Saúl la sticun ta oq'uesinel oq'ues ta spamal nación swenta yu'un ya me yaiyic te hebreoetique.

1 Crónicas 12:19

Soc c'axic tel ta sts'eel David te ayic ta sts'umbal Manasés, ja' me te c'alal ba sjoin sba soc filisteoetic te David ta swenta scontroinel te Saúl. Ja'uc me to ta patil, te c'alal laj yo'tanic ta stsobel sbaic te ajwalil filisteoetic, la snopic te ya sticunic sujt'el te David. Jich la yalbey sbaic: —Ya me yich' c'oquel loq'uel joltic teme ya xc'ax bael ta stojol Saúl te yajwal —xiic yu'un.