Jueces 6:33 - Bible in Tzeltal de Oxchuc y Tenejapa

³³ Spisil te madianetic, te amalequetic soc te mach'atic talemic ta stojol sloq'uib c'aale, la stsob sbaic tel, c'axic tel ta muc'ja' Jordán. La sleic banti ya spas scampamentoic ta spamlej q'uinal Jezreel.

Bible in Tzeltal Bachajón

³³ Spisil te madianetic, amalequetic soc te mach'atic talemic ta stojol banti ya xloc' tal c'ahc'al, junax la stsob sbahic, sohlic tal ta muc'ul-ha' Jordán, la spas scampamentohic ta spamlej yu'un Jezreel.

Jueces 6:33 Referans Kwoze

Josué 17:16

Jich la yalic: —Melel nix a, ma tic'ucotic a te witstiquile. Ja'uc me to, te cananeoetic te ayic ta spamlej, ay scarretaic yu'un guerra te pasbil ta taq'uine. Ja' nix jich te mach'atic ayic ta Bet-seán soc te ch'in lumetic yu'un te nainemic ta spamlej yu'un Jezreel —xiic.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Salmos 3:1

Cajwal, bayal te jcontrotac, bayal te mach'atic yo'tan yuts'inonique.

Job 1:3

Ay esmaj jucmil (7,000) chijetic yu'un, oxmil (3,000) camelloetic, jo'winic xcha'bajc' (500) ta jchajp j'at'el-wacaxetic, soc jo'winic xcha'bajc' (500) ta jcojt' me' burraetic yu'un. Ay mero bayal manbil abatetic. Mero jc'ulej te winique, c'ax jich a te bit'il yantic te ainemic ta stojol sloq'uib c'aale.

1 Crónicas 5:19

La yac'bey guerra te agarenoetic, soc te sts'umbal Jetur, Nafis soc Nodab.

1 Reyes 21:1

C'ax c'aal ta patil, ay jtul winic ta lum Jezreel te Nabot sbiil, ay sts'usubil ta lum, ay ta nopol spalacio te Acab, te muc' ajwalil yu'un Samaria.

1 Reyes 18:45

Te Acab mo ta scarreta, bajt' ta Jezreel. Ja' yorail yaquix ijc'ubel q'uinal yu'un tocal soc ic' ta ch'ulchan, jich tal buen tulan ja'al.

Jueces 7:24

Te Gedeón la sticun c'op ta witstiquil yu'un Efraín, la yal bael mandal te Efraín-winiquetic te ac'a coicuc tel ta yac'beyel guerra te madianetique. Ja' me ac'a ba smaquic ta bay tec'oja' ta Bet-bara soc ta Jordán te c'alal ma to xc'ot stuquelic a. Te sts'umbal Efraín la xch'uunic te mandale.

Josué 19:18

Ta sq'uinal ay te lumetic Jezreel, Quesulot, Sunem,

Génesis 29:1

Been xan bael te Jacob, c'ot ta bay slumal te mach'atic talemic ta bay stojol sloq'uib c'aal.

1 Reyes 4:30

C'ax jich a te sp'ijil Salomón te bit'il sp'ijilic te egipcioetic, soc nix te mach'atic ayic ta stojol sloq'uib c'aale.

Ezequiel 25:4

Ja' yu'un ya caq'uex ta sc'ab te yajwal lumetic ta stojol sloq'uib c'aale, swenta yu'un ja'ic me ya yich'beyex te aq'uinalique. Ya me spas scampamento tey a, soc ya me xnainic tey a. Ja'ic me ya swe'ic te sit te bila ats'unojique, soc ya me yuch'beyex sleche te chambalametic awu'unique.

Oseas 1:5

Ja' me sc'aalelal a te ya jin ta bay stenlej xatal q'uinal yu'un Jezreel te yipic te soldadoetic yu'un Israel —xi' te Cajwaltique.

Jueces 7:1

Te Gedeón, te Jerobaal sbiilix yu'unique, buen sab jajch'ic soc spisil te mach'atic sjoineje, ba spas scampamentoic ta bay sloq'uibja' yu'un Harod. Yan te bay spasoj scampamentoic te madianetic, ja' ay ta stojol norte ta spamlej yoc wits More.

Jueces 7:8

Jich yu'un te Gedeón la yalbey mandal te yantic, te ya sujt'ic bael ta snailpaq'uic ta bay scampamentoic. Ja'uc me to, la stsobeyic jilel te sq'uibic soc te xulubil yich'ojique. Ja' nax a jil soc Gedeón te jo'lajunwinic (300) ta jtul winiquetic te tsabiliquixe. Moel ba spas scampamentoic ta cajal yu'un te madianetic te ayic ta stenlej xatal q'uinal.