Jueces 6:32 - Bible in Tzeltal de Oxchuc y Tenejapa

³² Jich yu'un te Gedeón la yac'beyic sbiilin Jerobaal. Jich la yalic: “Ac'a scoltay sba Baal ta stojol te scontroe”, xiic, melel ja' nix te Gedeón la sjinbey scajtijib smajt'an te Baale.

Bible in Tzeltal Bachajón

³² Ha yu'un ta hich ora te Gedeón a'bot sbihilin Jerobaal, ha: Ac'a scoltay sba Baal ta stojol scontra, xchi c'ohem, yu'un la sjimbe te scajtajib ta chiq'uel mahtanil yu'une.

Jueces 6:32 Referans Kwoze

1 Samuel 12:11

“Patil te Cajwaltic la sticun Jerobaal, Barac, Jefté soc jo'on te Samuelon, swenta yu'un ya jcoltaytiquex loq'uel ta sc'ab te acontroic, jich jun awo'tanic ya x'ainex.

2 Samuel 11:21

Jich bit'il te lum Tebes, jtul ants milot yu'un te Abimelec te snich'an Jerobaal, ta sba ts'ajc' to la xch'ojbey coel stonil molino. ¿Bi yu'un c'ax noptsajex bael ta ts'ajc' jiche?” teme xie, jich me ya awalbey: “Soc laj te awinic Urías te hitita-winique”, xaat me —la yut bael te abate.

Jueces 7:1

Te Gedeón, te Jerobaal sbiilix yu'unique, buen sab jajch'ic soc spisil te mach'atic sjoineje, ba spas scampamentoic ta bay sloq'uibja' yu'un Harod. Yan te bay spasoj scampamentoic te madianetic, ja' ay ta stojol norte ta spamlej yoc wits More.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jueces 6:31

Te Joás la sjac'bey sc'opic te mach'atic tal ta joytayel yu'une: —¿Ya bal acoltayic te Baal, ya bal awac' guerra ta swenta? ¡Ja' lec te lajemuquix te ma to sacub q'uinal a te mach'atic ya xc'opojic yu'un Baal! Teme ja' Dios te Baal, ac'beya scoltay sba stuquel, melel ja' yu'un te scajtijib majt'anil te jinbote —xi'.

Jueces 8:35

Mero ma'yuc yutsil yo'tanic ta stojol te mach'atic ay yu'un te Jerobaal, te Gedeón yan sbiil, manchuc me t'ujbil nax spisil te bitic la spas te Gedeón ta stojolique.