Jueces 6:30 - Bible in Tzeltal de Oxchuc y Tenejapa

³⁰ —Loq'uesa tel te anich'ane, ya jmiltic. Melel la sjinbey scajtijib ta chiq'uel smajt'an Baal, soc te sloc'omba Asera te ts'unul ta sts'eele —xiic.

Bible in Tzeltal Bachajón

³⁰ Loq'uesa tal te anich'an yu'un ya jmilcotic, como la sjimbe te scajtajib ta chiq'uel mahtanil yu'un Baal soc la sts'et te sloc'omba Asera te nopol ay tey a, xchihic.

Jueces 6:30 Referans Kwoze

Filipenses 3:6

Mero tulan sc'oplal ta co'tan te bila jnopoje, jich la jcontroin te jch'uunjeletique. Soc tojobenon ta jc'op ta swenta spasel te bi ya yal te mandalile. Ma'yuc falta cu'un tey a.

Hechos 26:9

“Ta neelal la jcuy te ya sc'an controinel te Jesús te Nazarete.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

Jeremías 50:38

Ay me guerra ta stojol te ja'etique, ac'a taquinajuc. Melel te Babilonia, ja' te jpam lum soc yajcanan te xiweltic sba soque, scaj te yajcananic te ch'ayemix ta q'uinal yu'une.

Jeremías 26:11

Jich yu'un te sacerdoteetic soc te j'alwanejetic la yalbeyic te jtsobwanejetic soc spisil te lume: —Ja' in winic to ya me yil swocol ta lajel, melel yac ta scontroinel ta yalbeyel sc'oplal te lume. Ja'ex la awaiyic stojol soc achiquinic —xiic.

Jueces 6:29

Juju-jtul la sjojc'obey sbaic: —¿Mach'a la spas? —xiic. Te c'alal bayal la sleiquix a, la sna'ic stojol te ja' la spas te Gedeón te snich'an Joás. Ja' yu'un ba yilic te Joás, jich ba yalbeyic:

Jueces 6:31

Te Joás la sjac'bey sc'opic te mach'atic tal ta joytayel yu'une: —¿Ya bal acoltayic te Baal, ya bal awac' guerra ta swenta? ¡Ja' lec te lajemuquix te ma to sacub q'uinal a te mach'atic ya xc'opojic yu'un Baal! Teme ja' Dios te Baal, ac'beya scoltay sba stuquel, melel ja' yu'un te scajtijib majt'anil te jinbote —xi'.