Jueces 6:27 - Bible in Tzeltal de Oxchuc y Tenejapa

²⁷ Jich yu'un te Gedeón la yic' bael lajuntul abatetic yu'un, ba spas spisil te bit'il albot mandal yu'un te Cajwaltique. Ja' nax te ma c'aalelticuc la spas, ta ajc'ubal la spas, ja' la xi' te mach'atic ay yu'un te state soc te yajwal te lume.

Bible in Tzeltal Bachajón

²⁷ Ha yu'un te Gedeón la yic' bahel lajuntuhl a'batetic yu'un, baht spas te bin halbot yu'un Jehová. Pero la spas ta ahc'abal, yu'un la xi' te ya spas ta c'ahc'alel ta scaj te mach'atic ay yu'un te stat soc te winiquetic yu'un te pueblo.

Jueces 6:27 Referans Kwoze

1 Tesalonicenses 2:4

Melel Dios la yac'bon ta jwenta yalel te lec yach'il c'ope, jich nix te bit'il yacon ta yalel ta bayuque. Melel ma ba yacon ta sleel te lecuc yo'tan cu'un te ants-winiquetique, ja' ya jle te lecuc yo'tan cu'un te Diose, te stuquel ya yaiybotic te co'tantique.

San Juan 2:5

Ja'uc me to, te sme' te Jesuse ba yalbey yaiyic te abatetique: —Ya me apasic spisil te bi ya yalbeyexe —xi'.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Gálatas 1:16

Te c'alal jich la sc'an yo'tan, la yac'bon jna'bey sba te Snich'ane, swenta yu'un jich me ya jchol te sc'op Dios ta stojol te jyanlumetique. Ma ja'uc ba jojc'obey te ants-winique,

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Jueces 6:26

Ts'ajc'ubeya scajtijib smajt'an Cajwaltic te Dios awu'unic, ta bay mero sni'il anjibal q'uinal te inbaye. Tsaca te jcojt' toro, ja' me te xchebale, ac'bon jmajt'anin ta chiq'uel ta scojt'ol. Ja' me ya awac'bey si'ilin te sloc'omba Asera ya aboj loq'uel —xi' te Cajwaltique.

Jueces 6:28

Ta sab ta yan c'aal, te c'alal jajch'ic te ants-winiquetic, jinbilix te scajtijib milbil smajt'an Baal te c'o staique. Ja' nix jich bojbilix loq'uel te sloc'omba Asera te ay ta sts'eel te scajtijib ta chic'beyel smajt'an Baal. La yilic te chic'bilix jcojt' toro tey a ta bay yach'il scajtijib te majt'anile.