Jueces 6:26 - Bible in Tzeltal de Oxchuc y Tenejapa

²⁶ Ts'ajc'ubeya scajtijib smajt'an Cajwaltic te Dios awu'unic, ta bay mero sni'il anjibal q'uinal te inbaye. Tsaca te jcojt' toro, ja' me te xchebale, ac'bon jmajt'anin ta chiq'uel ta scojt'ol. Ja' me ya awac'bey si'ilin te sloc'omba Asera ya aboj loq'uel —xi' te Cajwaltique.

Bible in Tzeltal Bachajón

²⁶ Pasa scajtajib ta chiq'uel mahtanil yu'un Jehová te Dios awu'un ta sba te ahnibal ini. Ic'a tal te schebal toro, a'beya scuenta scohtol chic'bil mahtanil, tuhuna scuenta si' te ste'el te sloc'ombahil Asera te yac ats'et, xchi.

Jueces 6:26 Referans Kwoze

1 Corintios 14:40

Ja'uc me to, yich'ojuc me swentail ta pasel awu'unic ta spisil.

1 Corintios 14:33

Melel ma sc'an te Diose te xch'inch'on nax q'uinal cu'untique. Ja' ya sc'an te lamal nax q'uinal ta bay ayotique. Jich te bit'il ay ta pasel ta bay juju-jchajp te jch'uunjeletique,

2 Samuel 24:18

Ja' nix ta yorail a, te Gad ba yil te David. C'o yalbey te ya spasbey scajtijib ta chiq'uel milbil smajt'an Cajwaltic, tey ta banti yac ta sloq'uesel spat strigo te Arauna te jebuseo-winique.

Éxodo 34:13

Ja' lec te ya ajinbeyic te scajtijib ta chiq'uel smajt'an te yajcananic, te balal tonetic soc te sloc'omba Asera yu'unique.

Jueces 6:25

Ta ajc'ubal te Cajwaltic la yalbey te Gedeón: —Tsaca jcojt' toro yu'un te atate, ja' te xchebal, te juqueb ya'wilale, jina soc te scajtijib ta chiq'uel smajt'an Baal yu'un te atate. Boja loq'uel te sloc'omba Asera te ts'unul ta sts'eel scajtijib smajt'an Baal.

Jueces 6:27

Jich yu'un te Gedeón la yic' bael lajuntul abatetic yu'un, ba spas spisil te bit'il albot mandal yu'un te Cajwaltique. Ja' nax te ma c'aalelticuc la spas, ta ajc'ubal la spas, ja' la xi' te mach'atic ay yu'un te state soc te yajwal te lume.

1 Samuel 6:14

Te c'alal c'ot ta sq'uinal Josué ta Bet-semes te carreta, c'ot ta comel ta banti ay jun muc'ul ton. Te yajwal te ch'in lum Bet-semes, la yaq'uic ta si' te ste'el carreta, la smilic te wacaxetic, la xchic'beyic smajt'anin te Diose.

2 Samuel 24:22

La sjac' te Arauna: —Ich'a, muc' ajwalil, te bi lec ya amulane. Ac'beya chic'bil smajt'an te Cajwaltique. Li' ay toroetic yu'un te smajt'ane, soc te jloq'uesibal spat trigo soc te yugoetic yu'un te j'at'el-wacaxetique, ya xju' ya x'och ta si'.