Jueces 6:18 - Bible in Tzeltal de Oxchuc y Tenejapa

¹⁸ Wocoluc a, ma to me xbaat ja' to me teme sujt'on tel ta yich'el tel amajt'an, te ya jc'an cac'bate —xi'. Te Cajwaltic la yalbey ta jamal: —Lec ay. Ya jmaliyat te ya sujt'at tele —xi'.

Bible in Tzeltal Bachajón

¹⁸ Awocoluc a, ma to me xbahat ha to teme ya suhton tal soc ya ca'bat ta atojol te mahtanil cu'un, xchi. Ya jmahliyat te ya suhtat tal, xchi te Jehová.

Jueces 6:18 Referans Kwoze

Jueces 13:15

Te Manoa ma ba sna'oj stojol teme ja' te ch'ul abat yu'un Cajwaltic, jich la yalbey: —Wocoluc a, joinawotic xan, ya jchajbanbat ati' ch'in tentsun —la yut. Ja'uc me to, te ch'ul abat la yal: —Manchuc me ya jcom jba, ma xju' ya jtuuntesbat te awe'ele; ja'uc me to, ya xju' ya achic'bey smajt'anin Cajwaltic te ch'in tentsune —xi'.

Génesis 18:5

Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut. La sjaq'uic: —Jichuc, pasa te bit'il la awale —xiic yu'un.

Génesis 18:3

Jich la yal: —Tatic, teme lecon ta ilel ya awile, wocoluc, ma me xc'axat bael ta stojol te awabate.

Génesis 19:3

Ja'uc me to, te bit'il ma laj yo'tan ta stojolic, la sjoinic bael. Ochic ta sna, la spasbey swaj swe'ic te ma ba yich'oj levadura, jich la smac'lin sbaic.

Jueces 6:17

Jich te Gedeón la yal: —Teme yu'un lecon ta asit ya awile, ac'bon junuc prueba quil teme melel te ja'at te ya ac'opone.

Jueces 6:19

Te Gedeón bajt' ta xchajbanel tel jcojt' ch'in tentsun, soc jtab ta jp'is harina la spas ta pan te ma ba yich'oj levadura. La yac' bael ta moch te ti'bale. Te ya'lel la yac' bael ta oxom. La yich' bael spisil c'alal ta jijte'.