Jueces 6:15 - Bible in Tzeltal de Oxchuc y Tenejapa

¹⁵ Te Gedeón la sjac' xan: —Ya jc'anbat xan perdón, cajwal. ¿Bit'il ya xba jcoltay te jlumale? Melel te jo'one sts'umbalon te mach'a mero ma'yuc bi ay cu'untic, c'ax jich te bit'il yantic sts'umbalic Manasés, soc jo'on mero xutilon yu'un te mach'atic ayic ta jna —xi'.

Bible in Tzeltal Bachajón

¹⁵ La sjac' xan te Gedeón: Ay, cajwal, ¿bin ut'il ya xhu' ya jcoltay Israel te ho'one? Melel te mach'atic ay cu'un c'ax hich pobre a te bin ut'il te yantic ta Manasés, soc te ho'one mero xuton yu'un te mach'atic ayic ta sna te jtat, xchi.

Jueces 6:15 Referans Kwoze

1 Samuel 9:21

C'opoj te Saúl: —Pero jo'on te sts'umbalon Benjamín, te ja' mero ch'in c'oem yu'un spisil ta jchajp sts'umbal Israel. Soc ta xchajbal te mach'atic ay cu'une mero ch'in c'oem ta stojol spisil ta jchajp sts'umbal Benjamín. ¿Bi yu'unix a jiche te jich ya awalbone? —xi'.

Éxodo 3:11

Te Moisés la yalbey te Diose: —¿Mach'aon ta ac'op a, Cajwal, te ya xboon ta stojol faraón te ya jloq'ues tel ta Egipto te jlumale? —xi'.

Éxodo 4:10

La yal te Moisés: —¡Cajwal! Ma xju' cu'un c'op ta lec. Jtalel nix tel a c'alal ora to, te bit'il yacat ta c'op ta jtojol te awabatone. Te jujun buelta te ya xc'opojone, wocoltic ya xloc' te jc'ope, ya xchuc sba te caq'ue —xi'.

Jeremías 1:6

La jac': —¡Ay, Cajwal. Jo'on mero alalqueremon, ma to jna' c'op! —la cut.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

1 Corintios 15:9

Te jo'one peq'uel ayon yu'un te yantic jpuc-c'opetique. Soc ma snujp'in ya caiy te jbiilinej jpuc-c'ope, yu'un la cuts'in te jch'uunjeletic yu'un te Diose.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

Jeremías 50:45

Aiya awaiyic stojol te bila chapal cu'un jo'on te Ajwalilone, te bila chapalix cu'un ta stojol Babilonia; te bila chajbanbil cu'un ta stojol slumal te caldeoetique: Ya me x'ic'otic bael asta ta bay mero alal chijetique, soc ya me yich' jinel spisil te yax aquiltique.

1 Samuel 18:23

Te abatetic yu'un te Saúl ba yalbeyic yaiy spisil te David te bitic albotique. Pero jich albotic yu'un: —¿Ya bal acuyic te ma'yuc bayal sc'oplal te ya x'ochon ta snial muc' ajwalil te bit'il me'baon soc te ma'yucon ta wenta? —xi' te David.

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.