Jueces 6:10 - Bible in Tzeltal de Oxchuc y Tenejapa

¹⁰ Soc la calbeyex te jo'on Awajwalonic te Dioson awu'unique. La calbeyex te manchuc ya awich'ic ta muc' te diosetic yu'un te amorreoetic te ainemexix ta sq'uinalique; ja'uc me to, ma la awich'bonic ta muc' te jc'ope”, xi' te Cajwaltic —xi' te j'alwaneje.

Bible in Tzeltal Bachajón

¹⁰ Soc hich la jcalbeyex: Ho'on Jehovahon te Dioson awu'unic; ma me xawich'ic ta muc' te diosetic yu'un te amorreohetic te banti nahinemexix ta sq'uinalique, xchihon. Pero ma ba la ach'uhumbonic te jc'ope, xchi.

Jueces 6:10 Referans Kwoze

Jeremías 10:2

Jich ya yal: —Ma xanopbeyic yat'el te yantic nacionetic, ma me xiwex yu'un te señailetic ta ch'ulchan, jich bit'il ya spasic te yantic nacionetique.

Jeremías 9:13

Te Cajwaltic la sjac': —Spisil jich a c'ot ta pasel, melel te israeletic la yijq'uitayic te p'ijubtesel la cac'beye, ma la yich'bonic ta muc' soc ma la sc'otesic ta pasel.

Jeremías 43:7

Ni ma la yich'beyic ta muc' smandal te Cajwaltique, spisilic bajt'ic ta Egipto, c'otic ta lum Tafnes.

Jeremías 43:4

Jich yu'un, te Johanán, soc te capitanetic yu'un soldadoetic, soc te ants-winiquetic, ma ba jilic xan ta sq'uinal sts'umbal Judá. Jich la xc'axintaybeyic smandal te Cajwaltique.

Jeremías 42:21

Ta ora yo'tic la cac'beyexix ana'ic stojol te bila la yac'bon ta jwenta te Cajwaltic Dios ta yalel ta atojolique; ja'uc me to, ma x'ac'an awich'ic ta muc'.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Jueces 2:2

Ja' la cal yu'un te manchuc ya apasic trato soc te mach'atic yajwalic te q'uinale, soc te yacuc ajinbeyic te scajtijib ta chiq'uel majt'aniletic yu'unique; ja'uc me to, ma la ac'an la ach'uunic. Ilawil te bila apasojiquixe.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

Romanos 10:16

Ja'uc me to, ma spisiluc la yich'ic ta muc' te lec yach'il c'ope. Jich bit'il la yal te Isaiase: “Cajwal, ¿ay bal mach'a la xch'uunix te c'op la caltique?”, te xie.

Sofonías 3:2

Ma la ach'uunbey sc'op te Cajwaltique; ma la awich' ta muc' te tojtesel yu'une. Ma la smuc'ulin awo'tan; ma ba baat ta stojol te Dios awu'une.

Proverbios 5:13

Ma ba la jc'an la caiybey te sc'op maestroetic cu'une; ma ba la quich' ta wenta te jp'ijubteswanejetic cu'une.

2 Reyes 17:33

Ja' yu'un, manchuc me ya xch'uunic te Cajwaltic, pero puersa yacalic xch'uunel te diosetic yu'unique, chican te bi costumbre ay yu'unic tey ta nacionetic te banti ticunotic loq'uel tele.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Jueces 6:9

Soc ma ja'uc nax a te loq'uex tel cu'un ta Egipto, la caq'uex ta libre yu'un spisil te mach'atic la yac'beyex awocolique. La jch'oj loq'uel ta atojolic, jich la awich'beyic jilel te sq'uinalique.

2 Reyes 17:7

Jich c'ot ta pasel, melel ja'ic nix te israeletic te la sle smulic ta stojol Cajwaltic te Dios yu'unique, te ic'otic loq'uel tel ta Egipto yu'un, soc te coltayotic ta sc'ab te muc' ajwalil yu'un Egipto, ja' te faraón. Yu'un och xch'uunic lotil diosetic.

Éxodo 34:12

“Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Éxodo 34:14

“Ma me xach'uunic yantic diosetic, melel jo'on Ajwalilon, mero ma sc'an co'tan. Jich ay te jbiile: “Jo'on Dioson te ya x'ilinon yu'un teme q'uejel ya xbajt' yo'tan te lum cu'une”, te xie. Jich c'oem te jbiile.

2 Reyes 17:13

Ta swenta spisil ta jchajp j'alwanejetic, albotiquix yu'un Cajwaltic a te israeletic te yacuc sujt'es yo'tanic yu'un te amen be st'unojique, te ja'uc ya yaq'uic c'otuc ta pasel te mandaliletic, soc te bi chapal yu'un, soc spisil te p'ijtesel te la yac'bey te antiguo sme'-static ta swenta te abatetic yu'une.

Nehemías 9:29

La atac'uy, la awalbey te yacuc spasic xan te bila ya yal te mandaliletic awu'une. Pero la yich' sbaic ta muc' stuquelic, ma ba la yich'ic ta wenta te mandaliletic awu'une. La xc'axintaybat te bitic la awal ta stojolique, te ya yac'bey xcuxlejal te mach'atic ya spasique. Ma ba la yich'ic ta muc', mero tulan la yac' sbaic, ma'yuc sc'oplal c'ot ta yo'tanic.

Jeremías 17:23

Ja'uc me to, ma la sc'an yich'bonic ta muc' te jc'ope. Tulan nax la yac' sbaic bael, ma la sc'an la xch'uunic, ni ma ba tojobic a.