Jueces 5:23 - Bible in Tzeltal de Oxchuc y Tenejapa

²³ Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

Bible in Tzeltal Bachajón

²³ ¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

Jueces 5:23 Referans Kwoze

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

Romanos 15:18

Ja' nax ya calbey sc'oplal te bila spasoj ta jwenta te Cristoe, swenta yu'un ya cac'bey xch'uunbeyic sc'op Dios te jyanlumetique. Ja' ta swenta te smelelil c'op la cale, soc ta swenta te bila la jpase,

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Jeremías 48:10

(Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

Nehemías 3:5

Te yan jmajc' te joyob ts'ajq'ue ja' la xcha'spasic te yajwal Tecoa, manchuc teme te mach'atic ich'bilic ta muq'ue ma ba la sc'an scoltayic te jwolwanejetic yu'unique.

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

1 Samuel 25:28

Abaton awu'un, pasbon perdón. Te Cajwaltic ya me sc'asesat ta muc' ajwalil soc ats'umbal ta cajalcaj, melel yacat ta guerra ta swenta te Cajwaltique. Te jayeb c'aal cuxulat ma me ayuc bi amen ya xc'ax awocol yu'un.

1 Samuel 18:17

La sta yorail te c'opoj Saúl, jich la yalbey te David: —Ya cac'bat awinamin te cantsil-nich'an Merab, ja' te wixile. Pero jun me awo'tan ya xbaat ta guerra; ma me xiwat te jayeb buelta ay guerra ta swenta te Cajwaltique —xi'. Pero te bi snopoj ta yo'tan te Saule, ja' te ya me xlaj ta milel yu'un filisteoetic te David, ma puersauc te ja' ya smil stuquele.

1 Samuel 17:47

Spisil te mach'atic stsoboj sbaic, ya me sna'ic te bit'il te Cajwal ma xcoltaywan ta puñal ni ta lanza. Ja' in guerra to, ja' yu'un te Cajwal, ja' me ya yaq'uex ta jc'abtic —xi' te David.

Jueces 13:3

Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

Jueces 4:6

Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Jueces 5:13

“Jich coic tel te israeletic, tal yaq'uic tulan guerra soc te mach'atic ay yipique; coic tel ta jwenta te soldadoetic yu'un Cajwaltic, tal yac'beyic tulan guerra te mach'atic jcontroinwanejetique.

Jueces 21:5

La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Jueces 8:5

Ta Sucot ay bi la sc'an te Gedeón ta stojolic te mach'atic ainemic tey a: —Wocoluc a, ac'bon jtebuc swe'elic te mach'atic sjoinejonic tel, mero lubeniquix ta jyalel. Ja' yacotic ta snutsel bael te ajwalil-madianetic, ja' te Zeba soc Zalmuna —xi'.

Jueces 8:6

Te mach'atic yich'oj yat'el ta Sucot la yalic: —¿Yu'un bal la achuquiquix te Zeba soc Zalmuna, te ya jmac'lintiquix te soldadoetic awu'une? —xiic.

Jueces 8:8

Bajt' ta Penuel, la sc'an tey a te bit'il nix la sc'an ta Sucot. Ja'uc me to, te mach'atic ayic ta Penuel, jich nix la yalic te bit'il Sucot.

Jueces 21:8

¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

Salmos 94:16

¿Mach'a ya xjajch' tel te ya xc'opoj cu'un ta scaj te mach'atic amen yat'elique?