Jueces 5:22 - Bible in Tzeltal de Oxchuc y Tenejapa

²² “Ya xc'opoj yacanic te caballoetique. Tulan ya x'animajic ta beel.

Bible in Tzeltal Bachajón

²² Tulan xc'ojlajan slots' te cawuhetic, ahnimajic, ahnimajic bahel te muc'ul cawuhetic yu'unic.

Jueces 5:22 Referans Kwoze

Miqueas 4:13

Jajch'an, lum Sión, maja te trigoe. Melel te Cajwaltic ya yal: —Jo'on ya cac'bat awip jichuc tat wacax te taq'uin c'oem te xulub soc te bronce c'oem te slots' yacane, swenta yu'un ya ajin bayal lumetic a. Ya me apojbey te sc'ulejalic te ma lecuc la staique, soc ya me awac'bonic cu'unin, te Ajwalilon yu'un spamal te balumilale —xi'.

Jeremías 47:4

Melel c'otix sc'aalelal te ya xtub ta jc'axel te filisteoetique; te ya xpojbot Tiro soc Sidón te scoltayel te ay xan yu'unique —xi'. Te Cajwaltic ya slajin te filisteoetic, te loq'uic tel ta Creta, te q'uinal joytaybil ta mar.

Isaías 5:28

Te yat'ejibal st'imique, jayic nax ta lec, soc buen nitil ta lec te st'imique. Te yejq'uechul yacan scaballoique, jich bit'il tulanil tonetic, soc jich bit'il sutu-ic' yilel te yacan te carretaetique.

Salmos 33:17

Te caballoetic ma xtuunic, ma'yuc mach'a ya xcol yu'un; manchuc me bayal yipic, ma xju' xcoltaywanic.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Job 39:19

“¿Ja'at bal la awac'bey yip te caballo, ja'at bal la ach'albey snuc' ta sbanac'?

Jeremías 8:16

Talix te jcontrotique, chicanix tel c'alal Dan te xjorlajan nax sni'ic te scaballoique. C'alal x'ilajanic, ya me xnijc' spisil te lumq'uinale. Ya me xtal sjinic te jlumaltic soc spisil te jc'ulejaltic, te lumetic soc te mach'atic nainemic tey a —xiic.

Jeremías 47:3

Ya yaiybeyic sc'op yacan te caballoetic yu'un te ya x'animajique, te stulanil sc'op te carretaetique, te sc'op sruedaile. Ma'yuc yip yo'tanic ya xbajt'ic yu'un te me'il-tatiletique; jich ya spijt'esic jilel te yal-snich'nabique.

Ezequiel 27:14

Te Bet-togarmaetic la yac'bat j'at'el-caballoetic soc cajtajibal-caballoetic, soc mulaetic, yu'un stojol abiluc.