Jueces 5:12 - Bible in Tzeltal de Oxchuc y Tenejapa

¹² “¡Wic'a asit, Débora, wic'a asit, wic'a asit, c'ajintaya c'ayoj! ¡Soc ja'at Barac, snich'anat Abinoam, jajch'an, ic'a bael te jchuqueletic awu'une!

Bible in Tzeltal Bachajón

¹² ¡Cuxa awo'tan, cuxa awo'tan, Débora! ¡Cuxa awo'tan, cuxa awo'tan, c'ayojtaya c'ayoj! ¡Hahchan, Barac, ic'a bahel te jchuqueletic awu'un, ha'at snich'anat Abinoam!

Jueces 5:12 Referans Kwoze

Efesios 4:8

Ja' swentail te jich la yal ta Sjun te Diose: “Mo bael ta ch'ulchan, yic'oj bael jchuqueletic soc la yac'bey majt'aniletic te ants-winiquetic”, te xie.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

Salmos 57:8

Jajch'an, jch'ulel, cuxa awo'tan; jajch'an, cuxa awo'tan ja'ex arpa soc yantic músicaetic; ya me xjajch'on, ya me jcux co'tan, sacubix q'uinal, yach'ilix te c'aale.

2 Timoteo 2:26

Jich me ya xcolic loq'uel ta syac te pucuj te bit'il chucbilic yu'une, swenta ya x'ac'bot spasic yu'un te bila ya sc'an yo'tane.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Jeremías 31:26

Jich ora wijc' jsit, soc la quil te q'uinale. Te jwayele bujts'an nax la caiy.

Isaías 60:1

Jajch'an, Jerusalén, xojobajan, melel julix tel te luz awu'un; ya xojobajix yutsilal Cajwaltic ta atojol.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Isaías 33:1

¡Ya me awil awocol jinwanej te ma ba jinbilate; ya me awil awocol j'ac'wanej ta c'abal, te ma ba ac'bilat ta c'abal te ja'ate! C'alal ya xlaj awo'tan ta jinwanej, ya me awich' jinel; c'alal ya xlaj awo'tan ta ac'wanej ta c'abale, ya me awich' aq'uel ta c'abal te ja'ate.

Isaías 14:2

Bayal me nacionetic ya x'ic'otic yu'un te israeletique, ya me sjoinic bael c'alal ta slumalic. Jich me ya xc'ot yu'unic te bit'il abatetic ta sq'uinal Cajwaltic. Te israeletic ya me yiq'uic bael ta mosoil te mach'atic neel chucotic bael yu'une, soc ja' me ya xmandalajic ta stojolic te mach'atic neel uts'inotic yu'une.

Salmos 108:2

tija aba jajch'el, arpa soc yantic música; ya me xjajch'on ta sacubel q'uinal.

Jueces 5:13

“Jich coic tel te israeletic, tal yaq'uic tulan guerra soc te mach'atic ay yipique; coic tel ta jwenta te soldadoetic yu'un Cajwaltic, tal yac'beyic tulan guerra te mach'atic jcontroinwanejetique.

Salmos 57:9

Cajwal, ya calbat yutsil ac'oplal ta c'ayoj ta yolil lumetic soc nacionetic.