Jueces 4:6 - Bible in Tzeltal de Oxchuc y Tenejapa

⁶ Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Bible in Tzeltal Bachajón

⁶ Te Débora la sticon ta iq'uel tal jtuhl winic Barac snich'an Abinoam te ay ta Cedes ta Neftalí, hich la yalbe: Hich ya spasat ta mandar te Jehová te Dios yu'un Israel: Bahan, tsoba te winiquetic awu'un ta wits Tabor, ac'a sjoquinat bahel jpic soc ho'bahc' (10,000) ta tuhl yu'un te jchahp yu'un Neftalí soc te jchahp yu'un Zabulón.

Jueces 4:6 Referans Kwoze

Hebreos 11:32

Ta ora to ma xju' te ya calbeyex xan bayale, melel ma niwan xlaj cu'un ta cholel spisil te bit'il ay sc'oplal te Gedeone, te Baraque, te Sansone, te Jeftee, te Davide, te Samuele, soc te j'alwanejetic yu'un te Diose.

Hechos 13:47

Melel jich la spasotic ta mandal te Cajwaltique: “Jich la cac'atix ta ilel te bit'il xojobil c'ajc' ta stojol te jyanlumetique, ja'at me ta awenta te ya yich'ic coltayel spisil ants-winiquetic ta bayuc ta spamal balumilal”, te xie —xi' te Pabloe.

Jueces 8:18

La sjojc'obey te Zeba soc Zalmuna: —¿Bi yilelic te winiquetic la amilic ta Tabor ja'ex? —la yut. La sjaq'uic: —Jich yilelic te bit'ilat. Ta juju-jtul pajal soc yilel te snich'nab ajwalile —xiic.

Josué 19:37

Cedes, Edrei, En-hazor,

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Jeremías 46:18

Te bit'il jo'on muc' ajwalilon, “Ajwalil te Spisil ya xju' cu'une”, xi' te jbiile. Jamal ya cal jo'on te cuxulone. Jich bit'il te Tabor, te jelawen moel yu'un spisil te witstiquile, soc jich bit'il te Carmelo, te toyol moel yu'un mar, jich me te contro ya xtale.

Salmos 89:12

Ja'at la apas te bitic ay ta norte soc te bitic ay ta sur; bin nax yo'tanic ya sc'ajintayat te wits Tabor soc te wits Hermón.

Salmos 7:6

¡Jajch'an Cajwal, ac'a tiluc awilimba! Nujp'usitaya aba soc yilimba te jcontrotaque. Te ja'ate chapal awu'un te ya awaiy chajbanwaneje, ja'at xacoltayon.

1 Samuel 10:3

Soc ya me xc'ubat bael. C'alal ya xc'oat ta jijte' yu'un Tabor, ya me xjul tel ta atojol oxeb winiquetic te yacalic ta moel bael ta Betel ta xch'uunel Dios. Te jtule yic'oj oxeb tentsunetic, te xchebale yich'oj oxeb pan, te yoxebale yich'oj jun nujc'ul vino.

Jueces 5:1

Ja' yorail te jajch' ta c'ayoj te Débora soc te Barac te snich'an Abinoam. Jich la yalic ta c'ayoj:

Jueces 4:10

Te Barac tey la yic' a te sts'umbal Zabulón soc te sts'umbal Neftalí. Ju' yu'un stsobel lajunmil (10,000) ta jtul winiquetic. Te Débora bajt' soc.

Josué 21:32

Ta sq'uinal sts'umbal Neftalí, ac'botic oxpam lum soc aquiltic yu'un xchamsbalamic: ja' te Cedes, te ay ta sq'uinal Galilea te ya xtuun ta swenta anjibal lum, soc Hamot-dor soc Cartán.

Josué 19:32

Te swaquebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Neftalí.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 19:22

Te smojonil c'ot ta Tabor, Sahazima soc Bet-semes, tey c'ot ta comel ta muc'ja' Jordán. Ay waclajuneb lumetic soc ch'in lumetic yu'unic.

Jueces 6:35

Soc la sticunbey xan c'op ta iq'uel tel spisil te sts'umbal Manasés te jun nax ya xtal yac' sbaic soque. La sticunbey xan sc'oplal ta iq'uel tel te sts'umbal Aser, Zabulón soc te sts'umbal Neftalí. Jich talic ta spisilic, la stsob sbaic ta jun nax.

1 Samuel 12:11

“Patil te Cajwaltic la sticun Jerobaal, Barac, Jefté soc jo'on te Samuelon, swenta yu'un ya jcoltaytiquex loq'uel ta sc'ab te acontroic, jich jun awo'tanic ya x'ainex.

Josué 19:35

Te lumetic joytaybil ta ts'ajc' te c'ot ta swenta, ja' te Sidim, Zer, Hamat, Cineret,

Salmos 89:13

Te ac'ab spisil ya xju' yu'un; te swa'el ac'ab mero tulan soc yaiyoj tsalaw.