Jueces 4:21 - Bible in Tzeltal de Oxchuc y Tenejapa

²¹ Ja'uc me to, mero luben te Sísara, jich c'ub swayel. Jich yu'un te Jael la stsac martillo soc jch'ix estaca te ya xtuun ta snijt'anel snailpac' a. Noptsaj bael, c'unc'un nax ta jyalel, ta banti ay Sísara. La sbajbey coel ta xujc' xchiquin, jelaw c'axel ta lum, jich laj te Sísara.

Bible in Tzeltal Bachajón

²¹ Pero te Jael te yihnam Heber la stsac ts'apbil yich'o-ip nahilpac' soc la stsac tal martillo, muquen nohpoj bahel, la smajbe cohel te te' ta xuhc' schiquin c'alal ta lum, como bayel swayel te Sísara yu'un bayel luhben; hich laj.

Jueces 4:21 Referans Kwoze

1 Corintios 1:27

Ja'uc me to, ja' tsabilic yu'un Dios te mach'atic ma'yuc sp'ijilique, swenta yu'un jich me ya x'ac'ot ta q'uexlal a te mach'atic ay sp'ijilic ta sc'opique. Soc ja' tsabilic yu'un te mach'atic ma'yuc yipique, swenta yu'un jich me ya x'ac'ot ta q'uexlal te mach'atic ay yipic ta sc'opique.

Salmos 3:7

Jajch'an, Cajwal. Coltayawon, Dios cu'un. Ja'at ya awejch'entesbey yelaw te jcontrotaque; ja'at ya awuybey sbaquel ye te mach'atic amen yo'tanique.

Jueces 3:21

Te Aod te jq'uexen-c'abe, la yac' bael sc'ab ta swa'el, la sloq'ues te spuñal, la sts'apbey ta xch'ujt' te Eglón.

1 Corintios 1:19

Melel jich ts'ibubil jilel ta Sjun te Diose: “Ya me jinbey sp'ijilic te mach'atic p'ijique, soc ya me jch'aybey ta yo'tanic te mach'atic ay sp'ijil yo'tanique”, te xie.

1 Samuel 17:43

Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,

Jueces 15:15

La stsac jun sbaquel yalan'e burro te ay tey a, te ma to bay bacubene, ja' la smil jmil (1,000) ta jtul filisteoetic a.

Jueces 3:31

Te yan jtsobwanej, ja' te Samgar te snich'an Anat. La smil lajunwinic xcha'bajc' (600) filisteoetic ta sni' staq'uinal stijibal joc'lum-wacaxetic, aguijada sbiil. Te Samgar jich la scoltay te Israele.

Jueces 4:9

La yal te Débora: —Yacuc, ya joinat bael. Ja'uc me to, te bi yutsilal ya xc'ot ta pasel te ya ajache ma me ja'ucat awu'un stuquel, melel te Sísara ya x'ac'ot ta sc'ab jtul ants yu'un te Cajwaltique —xi'. Jich yu'un te Débora bajt' soc Barac ta Cedes.

Jueces 4:20

Te Sísara la yalbey te Jael: —Ainan ta yochibal nailpac'. Teme ay mach'a ya xtale, teme ya sjojc'obat, “¿Ay bal mach'a ay ta yutil ana?” teme xie, “Ma'yuc”, uta me —xi'.

Jueces 4:22

C'alal c'ot te Barac ta sleel te Sísara, te Jael loc' bael ta stael, jich la yalbey: —La' ilawil, ya cac'bat awil te mach'a yacat ta sleele —xi'. Te Barac och bael ta nailpac', lajemix a c'o sta te Sísara, ts'apal coel estaca ta xujc' xchiquin.