Jueces 4:15 - Bible in Tzeltal de Oxchuc y Tenejapa

¹⁵ Te Cajwaltic la yac'bey muc'ul xiwel ta yo'tanic te yajwal carretaetic soc te soldadoetic yu'un Sísara, ja' te bi ora la sta sba ta guerra soc te Barac. Te Sísara ora co ta scarreta, an bael ta yacan.

Bible in Tzeltal Bachajón

¹⁵ Te Jehová la sten bahel ta espada te Sísara soc spisil carretahetic soc soldadohetic yu'un ta stojol Barac. Te Sísara co ta scarreta, baht ta ahnel ta yoc,

Jueces 4:15 Referans Kwoze

Josué 10:10

Te Cajwaltic la yac'bey te bayal xiwic ta stojol te israeletique. Ja' yu'un te Josué mero bayal la smil te amorreoetic te scontroinej sba soc te lum Gabaón. Patil ay la snutsic bael ta sbelal Bet-horón, la smilic bael te amorreoetique c'alal ta lum Azeca, soc ta lum Maceda.

Hebreos 11:32

Ta ora to ma xju' te ya calbeyex xan bayale, melel ma niwan xlaj cu'un ta cholel spisil te bit'il ay sc'oplal te Gedeone, te Baraque, te Sansone, te Jeftee, te Davide, te Samuele, soc te j'alwanejetic yu'un te Diose.

2 Reyes 7:6

Yu'un ja' nix te Cajwaltic te la yac'bey yaiyic te siriaetic te chicnaj sc'op carretaetic yu'un guerra, soc caballoetic soc bayal soldadoetic. Te siriaetic la scuyic te la xchapix sc'op te muc' ajwalil yu'un Israel soc te yantic muc' ajwaliletic yu'un hititaetic soc muc' ajwaliletic yu'un egipcioetic te ya x'ac'botic guerra yu'unique.

Deuteronomio 7:23

Yan te Cajwaltic te Dios cu'untique ya me yac'beyex ta ac'abic te nacionetique. C'unc'un me ya xlaj bael awu'unic, asta jc'axel me ya xlajic.

1 Samuel 7:10

Te c'alal yac ta yaq'uel a te chic'bil smajt'an Dios te Samuel, te filisteoetic yacalic ta noptsajel bael ta stojol te israeletique. Pero te Cajwaltic la yac'bey coel tel buen tulan chawuc ta stojol swenta xiwteselic, jich la yaiyic tsalaw te israeletique.