Jueces 4:14 - Bible in Tzeltal de Oxchuc y Tenejapa

¹⁴ Jich yu'un te Débora la yalbey te Barac: —Jajch'an me, melel te Cajwaltic ya me yac'bat ta ac'ab yo'tic te Sísara. Te Cajwaltic ja' me j'ic'wanej ta stojol te soldadoetic awu'une —xi'. Te Barac co tel ta wits Tabor soc te lajunmil (10,000) soldadoetic yu'une.

Bible in Tzeltal Bachajón

¹⁴ Ha yu'un te Débora la yalbe te Barac: Hahchan, como ha'i c'ahc'al ini te Jehová la ya'batix ta ac'ab te Sísara. Nahilijem bahel awu'un te Jehová, xchi. Hich te Barac co tal ta wits Tabor soc te jpic soc ho'bahc' (10,000) winiquetic te t'umbil yu'une.

Jueces 4:14 Referans Kwoze

2 Samuel 5:24

Te c'alal ya awaiy ay mach'atic ya xbeenic ta sba te'tiquil, ora me xawochintay. Melel ja' me ya yac' ta na'el te jo'on ya xneelajon awu'un, swenta yu'un ya me yich' ejch'entesel ta swenta lajel te soldado-filisteoetique —xi' sc'oplal.

Deuteronomio 9:3

“Ja' yu'un jich me ya ana'ic te ja' te Cajwaltic te Dios cu'untic te ya xneelaj awu'unique, te ja' pajal soc stuquel te c'ajc' ya xlajinwane. Ja' yu'un ta acomonsitic ya slajin soc ya yac'bey spejc'an sbaic te nacionetique. Ya me anutsic loq'uel soc ya me alajinic ta ora nax, jich nax me ya alajinic ta ora te bit'il ya jmuts' jsitic soc te ya jwic' jsitique, jich nix te bit'il yalojbeyex te Cajwaltique.

Isaías 52:12

Ja'uc me to, ma animalticuc nax ya xloq'uex bael; ma me aneluc ya xloq'uex bael. Melel te Cajwaltic te Dios yu'un Israel ya me scanantayat ta bayuc.

Miqueas 2:13

Dios me ya sjambey bael te sbee, ja' me ya st'unic bael; ya me xloq'uic bael ta sti'il sts'ajc'ul te lume. Ja' me muc' Ajwalil yu'unic te Cajwaltique, ya me xneelaj ta beel yu'unic.

1 Samuel 9:26

Jich way te Saule. Ta xchebal c'aal ta buen sab, te Samuel la yic' te Saúl te wayal ta yamac'ul ba na, jich la yalbey: —Jajch'anix, jajch'an xan ta beel —xi'. Jajch' te Saúl. Patil loc' bael ta calle xchebal soc te Samuele.

Jueces 19:28

Jich la yal: —Jajch'an, conic —la yut. Te antse ma la sjac'. Jich yu'un te sbaq'uetale la scajan bael ta sba te burro, jajch' ta beel, bajt' ta sna.

Josué 7:13

Jajch'an tsoba te lum Israel. Albeya ac'a xchajban sbaic te ya xtal stejc'an sbaic ta jtojol te pajele. Melel jo'on te Ajwalilon te Dioson awu'unic jich me ya calbey: “Ja'ex ta apisilic la atsaquic te bila sc'oplal ya yich' jinel ta jc'axele. Jich yu'un teme ma ba ya ajin, soc teme ma ba ya aloq'ues ta atojolic, ma xju' ya atsal te acontroique” ya me cut.

Génesis 44:4

Loq'uelic to bael ta ti'lum a te winiquetique, ma to xc'ubic bael a, te José la yalbey te mayordomoe: —Baan, nutsa te winiquetique. Teme la atae, jich me xc'o awalbey: “Tojol te la jc'uxtayex te ja'exe, amen te bila la apasbonic tele. ¿Bi yu'un la awelc'anbonic tel te vaso pasbil ta plata?

Génesis 19:14

Jich loc' bael te Lot, ba sc'opon te queremetic te chapal ya yic' sbaic soc te yantsil-nich'nabe, jich la yalbey yaiyic: —Jajch'anic, loc'anic tel, yu'un ya yich' lajinel yu'un Cajwaltic te lume —la yut. Ja'uc me to, te queremetic la scuyic te ma meleluc.

Jueces 4:10

Te Barac tey la yic' a te sts'umbal Zabulón soc te sts'umbal Neftalí. Ju' yu'un stsobel lajunmil (10,000) ta jtul winiquetic. Te Débora bajt' soc.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Jueces 7:9

Ta ajc'ubal a, te Cajwaltic la yalbey mandal te Gedeón: —Jajch'an, coan bael ta yochintayel te madianetique, ya cac'beyex ta ac'abic.