Jueces 4:11 - Bible in Tzeltal de Oxchuc y Tenejapa

¹¹ Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

Bible in Tzeltal Bachajón

¹¹ Te Heber, te queneo-winic, te ha sts'umbal Hobab, snihal-mamal Moisés, ayix ora te loq'uem ta stojol te queneohetic soc te spasoj scampamento ta banti te jihte' ta Zaanaim, ta nopol Cedes.

Jueces 4:11 Referans Kwoze

Jueces 1:16

Te sts'umbal Hobab te quenita-winic, te snialmamal Moisés, loq'uic bael ta lum Palmaetic, sjoinej bael te sts'umbal Judá. Bajt'ic ta bay te jochol taquin q'uinal yu'un Judá te ay ta stojol sur yu'un lum Arad. La sjoin sbaic ta nainel soc te yajwal q'uinal tey a.

Josué 19:33

Te sq'uinale jajch' bael c'alal ta Helef, Alón-saananim, Adami-neceb soc Jabneel, c'alal ta Lacum, jich c'ot ta muc'ja' Jordán.

Números 10:29

Ay jun c'aal te Moisés la yalbey te sbal Hobab, snich'an Reuel te madianil winique: —Te jo'otic ya xbootic ta lumq'uinal te yalojbotic Cajwaltic te ya yac'botique. La', joinawotic, jun me co'tantic ta atojol, melel te Cajwaltic yaloj ta jamal te buen lec yo'tan yu'un Israel —xi' te Moisés.

Josué 19:37

Cedes, Edrei, En-hazor,

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Jueces 4:6

Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Números 24:21

Soc yac ta yilel la yaiy te quenitaetic, jich la yalbey sc'oplal te bila ya xc'ot ta pasele: —Ja'ex te sts'umbalex Caín: manchuc me tulan ayex ta anjibaletic, manchuc me apasoj apechech ta yolil te tulanil tontiquile, te apechech jc'axel me ya xjin ta c'ajc' te c'alal ya xchuquex bael te Asiria —xi'.

Éxodo 18:1

Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Éxodo 2:18

C'alal sujt'ic bael ta stojol te statique, jojc'obotic yu'un: —¿Bit'il ay a te sujt'ex tel ta orae? —xi'.

Jueces 4:12

C'alal la yaiy stojol Sísara te moemix bael ta wits Tabor te Barac,

1 Samuel 15:6

Jich la yalbey te quenitaetic: —Q'ueja abaic. Loc'anic bael ta yolil te amalequetic, swenta yu'un ma me pajaluc ya awich'ic lajinel soc, melel lec awo'tanic ta stojol israeletic te c'alal yacalic talel ta Egipto a —la yut. Jich te quenitaetic loq'uic bael ta yolil te amalequetique.

1 Samuel 27:10

Ya xjojc'obotic yu'un: —¿Banti c'oex ta spojel biluquetic te naxe? —xi'. Jac'bot yu'un te David: —Ta sur yu'un Judá —xi' jun buelta. —Ta sur yu'un Jerameel —xi' yan buelta. —Ta sur yu'un sq'uinal quenitaetic —xi' xan.

Números 10:32

Teme ya ajoinotic bael, pajal ya jpucbey jbajtic spisil te bitic lec ya yac'botic te Cajwaltique —la yut te sbale. Jich bajt' soc.