Jueces 3:3 - Bible in Tzeltal de Oxchuc y Tenejapa

³ Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

Bible in Tzeltal Bachajón

³ ha te ho'tuhl príncipaletic yu'un te filisteohetic, spisil te cananeo, sidón, soc te heveo te nahinemic ta wits Líbano, c'alal ta wits Baal-hermón ha to ya xc'oht ta Hamat.

Jueces 3:3 Referans Kwoze

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

Josué 13:5

Quechel xan te sq'uinal te gibletic, soc spisil te Líbano ta stojol sloq'uib c'aal, c'alal ta Baal-gad te ay ta yoc wits Hermón ja' to ta yochibal Hamat.

1 Samuel 29:2

Te capitanetic yu'un te soldado-filisteoetic yacalic ta marcha loq'uel ta chajbalchajp swenta compañía soc ta swenta batallón. Te David soc te swinictac yacalic ta marcha ta patil soc Aquis stuquelic.

1 Samuel 13:5

Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.

1 Samuel 6:18

Te jayeb ch'oetic pasbil ta oro, jujun c'oem ta swenta spisil te lumetic yu'un filisteoetic te ay ta swenta te juju-jtul ajwaliletic yu'unique, manchuc teme joybil ta ts'ajc', o ma ba joybil ta ts'ajc'. Te muc'ul ton te banti la scajanic te cajón yu'un Cajwaltic, c'alal ora chican ta ilel ta sq'uinal Josué te ay ta lum Bet-semes.

Jueces 18:7

Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

Jueces 14:4

Te sme'-stat ma sna'ic stojol teme chajbanbil yu'un Cajwaltic te jich ya xc'ot ta pasele, melel yac ta sleel te Cajwaltic bit'il ya x'ac'bot guerra yu'un te filisteoetic, melel ja' yorail a te swentainejic te Israele.

Jueces 10:12

sidonetic, amalequetic soc te madianetique. Te c'alal la awalbonic wocol te ja'exe, jich la jcoltayex.

Jueces 10:7

Ja' swentail te ilin Cajwaltic ta stojolic, jich la yac'bey ta sc'abic te filisteoetic soc te amonetique.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Josué 19:28

jich la smac tel te Abdón, Rehob, Hamón soc Caná, ja' to c'ot ta muc'ul lum Sidón.

Josué 11:3

te cananeoetic ta stojol sloq'uib c'aal soc ta stojol smalib c'aal, te amorreoetic, te hititaetic, te ferezeoetic, te jebuseoetic ta witstiquil soc te heveoetic ta wits Hermón ta spamal bael q'uinal yu'un Mizpa.

Deuteronomio 3:9

(Ja' in wits to, Sirión sbiil yu'unic te sidonetique; te amorreoetic, Senir sbiil yu'unic stuquel.)

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

Números 34:8

soc ja' to tel ta wits Hor c'alal ta ochibal yu'un Hamat, soc c'alal ta Zedad,

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Génesis 49:13

“Te Zabulón, ya me xnain ta ti'ti'mar stuquel, ya me xjul barcoetic ta sq'uinal; c'alal ta Sidón ya xc'ot smojonil te sq'uinale.

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.

Josué 11:19

Jpam nax lum la spas trato soc te israeletic, ja' te heveoetic ta lum Gabaón. Ta spisil te yantic ta puro guerra la yich'ic tsalel.

Jueces 3:2

Te Cajwaltic la yijq'uitaybey swenta yu'un ya snopic guerra te mach'atic ma la yilic guerra ta neelale.

1 Samuel 6:4

—¿Bi ya jticunbeytic swenta yu'un ya xlecub yo'tan? —xiic ta sjojc'oyel te filisteoetique. Jich la yal te sacerdoteetic yu'unique: —Pasaic jo'eb sloc'ombail sijt'ubel pasbil ta oro, jujun yu'un ya xc'ot te juju-jtul ajwalil cu'untic; soc jo'eb sloc'ombail ch'o te pasbil nix ta oro, melel jun nax te chamel yacotic ta yaiyel soc te ajwaliletic cu'untique.

1 Samuel 6:16

C'alal laj yo'tanic ta yilel spisil te bila c'ot ta pasel, ja' nix ta sc'aalelal a te jo'eb ajwalil-filisteoetic bajt'ic c'alal ta lum Ecrón.

2 Samuel 24:7

Patil bajt'ic ta lum Tiro te joytabil ta ja' te wocol ta ochintayel, soc ta spisil te lumetic yu'un heveoetic soc te cananeoetique, ja' to c'otic ta loq'uel ta sur yu'un Judá, ta lum Beerseba.

1 Reyes 8:65

Jich ora te Salomón soc ta spisil te Israel, te mero bayalic ta spisilic te talemic c'alal ta yochibal Jamat, c'alal ta beja' yu'un Egipto, la spasic te q'uin yu'un Nailwamal swenta yich'jibal ta muc' te Cajwaltic te Dios cu'untique. Soc la spasic xan juqueb c'aal, chanlajuneb c'aal ta spisil te q'uine.

Ezequiel 47:20

“Te sti'il ta stojol smalib c'aal, ja' me smacoj te Mar Mediterráneo, jajch'em ta smojón soc Egipto c'alal ta ti'ti'mar te elawal ay soc Hamat.

1 Reyes 9:20

Te amorreoetic, hititaetic, ferezeoetic, heveoetic soc jebuseoetic te ma israeluc stuquelic,