Jueces 3:27 - Bible in Tzeltal de Oxchuc y Tenejapa

²⁷ C'alal c'ot ta sq'uinal israeletic, la yoq'uesin xulubil ta bay witstiquil yu'un Efraín ta swenta yiq'uel tel te israeletique. Spisilic coic bael ta witstiquil, tsobilic bael yu'un Aod.

Bible in Tzeltal Bachajón

²⁷ C'alal c'oht ta sq'uinal Israel la yoq'uesin xulubil ta witsiltic yu'un Efraín, hich te snich'nab Israel cohic bahel ta wits soc Aod, ha nahilij bahel yu'unic.

Jueces 3:27 Referans Kwoze

1 Samuel 13:3

Te Jonatán la slajin te jchajp soldado-filisteoetic ayic ta lum Gabaa; la yaiyic te filisteoetique. Te Saúl la sticun ta oq'uesinel oq'ues ta spamal nación swenta yu'un ya me yaiyic te hebreoetique.

Jueces 6:34

Te espíritu yu'un Cajwaltic wentainot ta jyalel yu'un te Gedeón. Jich la yoq'uesin xulubil swenta yu'un jun nax me ya xtal yac' sba soc te mach'atic sts'umbal Abiezer.

2 Reyes 9:13

Ora la stsac te snajt'il c'u' ta juju-jtul, la slimbeyic ta cajalcaj moel ta stojol Jehú, soc ora la yoq'uesinic xulub chij, soc awunic: —¡Ja' muc' ajwalil te Jehú! —xiic ta aw.

2 Samuel 20:22

Ora bajt' te antse, ba yac'bey sna' ta swenta sp'ijil te yajwal lume. La xot'beyic snuc' te Seba, te sjol la xch'ojbeyic coel Joab. Jich te Joab la yal mandal ta oq'uesinel xulubil, swenta yu'un ya xbajt'iquix. Bajt'ic, la yijq'uitayic jilel te lume, juju-jtul bajt' ta snaic. Yan te Joab sujt' bael ta Jerusalén ta sc'oponel te muc' ajwalile.

Jueces 19:1

Te c'alal ma'yuc ajwalil ta Israel, ay jtul levita-winic te c'ubul to nainem ta witstiquil yu'un Efraín. Te levita-winic la yic' yantsin jtul ants ay ta Belén ta sq'uinal Judá.

Jueces 17:1

Ta witstiquil yu'un Efraín nainem jtul winic, Micaía sbiil.

Jueces 7:24

Te Gedeón la sticun c'op ta witstiquil yu'un Efraín, la yal bael mandal te Efraín-winiquetic te ac'a coicuc tel ta yac'beyel guerra te madianetique. Ja' me ac'a ba smaquic ta bay tec'oja' ta Bet-bara soc ta Jordán te c'alal ma to xc'ot stuquelic a. Te sts'umbal Efraín la xch'uunic te mandale.

Jueces 5:14

Ay winiquetic yu'un Efraín coic tel ta spamlej, ta spatic tal tsojboltsojp soldadoetic yu'un Benjamín. Ta tsojboltsojp yu'un Maquir coic tel te jtsobwanejetic yu'unic, soc ta tsojboltsojp yu'un Zabulón, coic tel te jwentainwanejetic yu'unique.

Josué 17:18

Ja' me witstiquil to te potsol ta niwac te'etic, ja' me ya awu'uninic xan, ya me awaiybeyic lec yutsilal te te'etique. Te cananeoetic ya me atenic loq'uel, manchuc me tulanic, soc manchuc me ay taq'uin scarretaic —xi' te Josué ta stojolic.

Josué 17:15

Te Josué la sjac': —Te bit'il bayalex soc te ma tic'uquex a te witstiquil yu'un Efraín, baan ts'etaic te te'etic ta sq'uinal te ferezeoetic soc te refaitaetique —xi' te Josué.

Jueces 3:26

Te bit'il yacalic ta xch'ayel c'aal yu'un smaliyel, te Aod loq'uix ta anel. C'ax bael ta bay loc'ombaetic ta Gilgal, ba snac' sba ta Seirat.

Jueces 10:1

C'alal ma'yuquix ta q'uinal te Abimelec, ay jtul winic ta sts'umbal Isacar, Tola sbiil, snich'an Fúa, ja' smam te Dodo, ja' jajch' ta scoltayel te Israele. Te Tola nainem ta lum Samir ta witstiquil yu'un Efraín.

Nehemías 4:14

C'alal la quil te yacalic ta xiwele, la jtejc'an jba, jich la calbey te mach'atic ich'bilic ta muc' soc te jwentainwanejetic, soc te yantic yajwal lume: —Ma xaxi'ic. Na'aic xan te muc' te Cajwaltique, soc te ay ta xi'ele. Ac'aic puersa ta swenta scoltayel te jlumaltique, te jquerem-nich'nabtic, te cantsil-nich'nabtic, te quinamtic soc te jnatique —xoon ta stojolic.