Jueces 3:20 - Bible in Tzeltal de Oxchuc y Tenejapa

²⁰ Te c'alal jilix stuquel soc Eglón a te Aod, nacal ta yutil na ta swenta yorail verano. Tal ta stojol, jich la yalbey: —Te c'op la quich'bat tel, ajwalil, ja' ta swenta te Diose —la yut. Te c'alal la yaiy stojol Eglón, jajch' tel ta smuc'ul nactijib.

Bible in Tzeltal Bachajón

²⁰ Te c'alal stuquel hucul ta stsalul sna yu'un q'uixin q'uinal, nohpoj te Aod, hich la yalbe: La jquich'bat tal c'op yu'un Dios, xchi. Hich te Eglón hahch ta shuctajib.

Jueces 3:20 Referans Kwoze

Amós 3:15

Ya me jin te naetic ta bay ya xnainic ta yorail invierno soc ta bay ya xnainic ta yorail verano; ya me cac'bey sta slajibal te naetic ch'albilic ta marfil, soc jc'axel ya jwuy te muc'ul naetique —xi' ta tulan te Cajwaltique.

Jeremías 10:7

¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

Miqueas 6:9

Te Cajwaltic yac ta yiq'uel te lum, soc ja' me p'ijilil te lamalotic nax ta yaiyel stojole: —Aiya awaiyic ja'ex lum soc te jconsejeroetic awu'une.

Salmos 29:1

Albeyaic yutsil sc'oplal Cajwaltic, ja'ex te ayex ta ch'ulchane; albeyaic yutsil sc'oplal te yu'el soc te yutsil xojobil te Cajwaltique.

2 Samuel 24:12

—Baan ila awil te David, albeya ta jwenta te ay oxeb bila ya calbey yaiye. Ac'a stsa ba ay te ya sc'an ya jpase —xi'.

Jueces 3:19

Ja'uc me to, te c'alal c'ot ta bay loc'ombaetic te ayic ta nopol Gilgal, te Aod sujt' bael ta stojol Eglón. Jich la yalbey: —Ajwalil, ay jtebuc c'op cu'un ya calbat, pero muquen me ya sc'an ya calbat —xi' c'oel. Jich yu'un te ajwalil la yalbey mandal te mach'atic ayic ta abatinel yu'un te ma xc'opojic, jich loq'uic bael ta stojol.

Jueces 3:21

Te Aod te jq'uexen-c'abe, la yac' bael sc'ab ta swa'el, la sloq'ues te spuñal, la sts'apbey ta xch'ujt' te Eglón.

Nehemías 8:5

Te Esdras la sjam te libro ta stojol spisilic te lume, melel ja' toyol tejq'uel c'oel ta stojol yantic. Pero te c'alal la sjame, spisilic la stejc'an sbaic.

Jeremías 36:22

Scaj te ja' sbalunebal u yu'un a te ja'wile, te muc' ajwalil ay ta scuarto ta c'atimal, yu'un yorail sic a.

Números 23:18

Jich yu'un te Balaam la yal loq'uel in sc'op j'alwanej to: —Balac, snich'an Zipor, aiybon awaiy ta lec te jc'ope.