Jueces 3:16 - Bible in Tzeltal de Oxchuc y Tenejapa

¹⁶ Te Aod la spas bael spuñal, cha'jejch la yac'bey ye, ay oliluc metro te snajt'ile. La xchuc bael ta xch'ujt' ta yutil snajt'il c'u' ta swa'el.

Bible in Tzeltal Bachajón

¹⁶ Pero te Aod spasojix espada te scha'bunjehchel ay ye soc jun xuhc'ubil snahtil; la schuc ta swa'el-cub ta yutil sc'u'.

Jueces 3:16 Referans Kwoze

Apocalipsis 2:12

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Pérgamo: Te mach'a yich'oj puñal te xcha'jejch' ay yee, jich la yal:

Apocalipsis 1:16

Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

Cantares 3:8

Ta spisilic ya sna'ic stuuntesel puñal, buen snopojic yaq'uel guerra; ta juju-jtul chucul spuñal ta xch'ujt'ic, swenta yu'un ya scanantayic ta ajc'ubal te Salomón.

Salmos 149:6

Albeyaic yutsilal Dios ta aweic; soc ayuc me ta ac'abic puñal te xcha'jejch'el ay ye,

Salmos 45:3

Chuca ta ach'ujt' te apuñale, ja'at te ma xiwate; ay axojobil soc ayat ta ich'el ta muc'.

Jueces 3:21

Te Aod te jq'uexen-c'abe, la yac' bael sc'ab ta swa'el, la sloq'ues te spuñal, la sts'apbey ta xch'ujt' te Eglón.

Jueces 3:15

ja' to c'alal la yalbeyic wocol te Cajwaltique. Jich la slebey mach'a ya xcoltayotic yu'un. Te jcoltaywanej ja' te jtul winic q'uexen sc'ab ya x'at'ej, Aod sbiil, snich'an Gera, te ay ta sts'umbal Benjamín. Ta yorail aq'uel patan te israeletic ja' la sticunic Aod ta stojol Eglón.

Jueces 3:17

La yich' bael te patan ta stojol Eglón, te jujp'en ta leque.

2 Samuel 20:8

Te c'alal ayic bael ta bay muc'ul ton a te ay ta Gabaón, c'otic ta tael yu'un Amasa. Te Joab slapoj sc'u' swenta soldadoil, chucul ta xch'ujt' soc sna te spuñale, te muquen la stas loq'uel.