Jueces 3:11 - Bible in Tzeltal de Oxchuc y Tenejapa

¹¹ Ta patil ay cha'winic (40) ja'wil lamaj c'op ta bay te q'uinale. Ta patil laj te Otoniel.

Bible in Tzeltal Bachajón

¹¹ Hich ay lamal q'uinal cha'winic (40) ha'bil, ha to c'alal cham te Otoniel snich'an Cenaz.

Jueces 3:11 Referans Kwoze

Jueces 8:28

Jich te madianetic lajic ta tsalel yu'un Israel, jc'axel la yich'ic pejc'anel yu'un. Ma'yuc banti la stoy sbaic xan ta stojol Israel ta patil. Jc'axel lamaj q'uinal cha'winic (40) ja'wil te c'alal cuxul a te Gedeón.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

Jueces 3:30

Awaiy bit'il la yich'ic stsalel te moabetic yu'un te israeletique. Ta patil chanwinic (80) ja'wil lamaj c'op ta bay te q'uinale.

Josué 11:23

Jich me la yich' spisil q'uinal te Josué, jich nix c'ot spisil te bit'il yalojbey Cajwaltic ta stojol Moisés. Ta patil la spucbey ta chajbalchajp sts'umbal israeletic, swenta yu'un ya me yu'uninic ta jc'axel. Ta patil lamaj c'op ta spamal q'uinal.

Ester 9:22

Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

1 Crónicas 4:13

Te snich'nab Cenaz, ja'ic te Otoniel soc Seraías. Te snich'nab Otoniel, ja'ic te Hatat

Jueces 3:9

ja' to c'alal la yalbeyic wocol te Cajwaltique. Jich la sle stuquel te mach'a tal ta coltayel yu'une. Ja' la yac' ta jcoltaywanej te Otoniel snich'an Cenaz, te ja' yijts'in Caleb.

Josué 15:17

Te mach'a la stsal te lume, ja' te snich'jun Otoniel, te snich'an Cenaz. Te Caleb la yac'bey yinamin te yantsil-nich'an Acsa.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Jueces 3:12

Te israeletic cha'jajch'ic ta spasel bi amen ta sit te Cajwaltique. Ja' yu'un te Cajwaltic la yac'bey yip Eglón te muc' ajwalil yu'un Moab, cajal yip yu'un a te Israel.

Nehemías 9:28

“Pero te c'alal lamalix jtebuc q'uinal la yaiyique, la xcha'pasic xan te bila amen ta asite. Ja' yu'un la awac' ochuquic ta c'abal yu'un te scontroique, jich la xch'uunic mandal ta stojol. La xcha'c'anic xan coltayel ta atojol. Pero ja'at, ta swenta te bit'il mero bayal xc'uxul te awo'tane, la awaiybey sc'opic c'alal ta ch'ulchan. Jich bayal buelta la acoltay ta woclajel.