Jueces 3:10 - Bible in Tzeltal de Oxchuc y Tenejapa

¹⁰ Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Bible in Tzeltal Bachajón

¹⁰ Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

Jueces 3:10 Referans Kwoze

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jueces 14:6

Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

Jueces 11:29

Te espíritu yu'un te Cajwaltic tal ta stojol te Jefté. Jich been ta sq'uinal Galaad soc ta sq'uinal Manasés, c'ax ta lum Mizpa te ay ta sq'uinal Galaad, yu'un ya yochintay te sq'uinal amonetique.

Jueces 6:34

Te espíritu yu'un Cajwaltic wentainot ta jyalel yu'un te Gedeón. Jich la yoq'uesin xulubil swenta yu'un jun nax me ya xtal yac' sba soc te mach'atic sts'umbal Abiezer.

2 Crónicas 15:1

Te Azarías snich'an Oded, wentainot ta espíritu yu'un Dios,

Números 24:2

C'alal la yil Balaam spisil Israel ta bay scampamento ta chajbalchajp sts'umbale, te espíritu yu'un Dios wentainot yu'un te Balaam.

Hebreos 6:4

Melel te mach'atic sacubix q'uinal ta stojolic jun buelta, soc te la yaiybeyiquix sbujts' te majt'anil yu'un te Diose, soc te yic'ojiquix ta yo'tanic te Ch'ul Espiritue,

Salmos 51:11

Ma me xapijt'eson soc ma me xach'ayon ta awo'tan; ma me xapojbon loq'uel te ch'ul espíritu awu'une.

2 Crónicas 20:14

Ayic ta tsoblej spisil te lume. Te Jahaziel, snich'an Zacarías, soc ja' smam te Benaía, te snich'an te Jeiel soc ja' smam te Matanías, te jtul levita sts'umbal Asaf, ja' wentainot ta espíritu yu'un Cajwaltic,

1 Samuel 16:13

Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Números 27:18

Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

Números 11:25

Jich yu'un te Cajwaltic coj tel ta tocal, c'opoj soc Moisés. Ora la sloq'uesbey olil te espíritu te ay ta yo'tan te Moisés, la yac'bey te lajuneb xchanwinic (70) mamaletique. Te espíritu ain ta yo'tanic, jajch'ic ta c'op jichuc j'alwanejetic. Ma'yuquix bay la xcha'pas ta yan buelta.

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Jueces 3:8

Ja' ilin Cajwaltic ta stojolic yu'un. Jich la yac'bey ta sc'ab Cusan-risataim te muc' ajwalil ta Mesopotamia. Waxaqueb ja'wil ochic ta abatinel yu'un Cusan-risataim,

Jueces 3:11

Ta patil ay cha'winic (40) ja'wil lamaj c'op ta bay te q'uinale. Ta patil laj te Otoniel.

1 Crónicas 12:18

Jich yu'un te Amasai, te jtsobwanej yu'un te lajuneb xcha'winic (30) ta jtule, ja' u'uninbil yu'un te espíritu, jich la yal: —¡David, lamaluc q'uinal ta atojol, ja'at te snich'anat Isaí! ¡Lamaluc me q'uinal ta atojol! ¡Lamaluc me q'uinal ta atojol soc ta stojol te mach'atic ya scoltayate, melel scoltayejat te Dios awu'une! —xi' ta yalel. Te David la yic' ta stojol, soc la yac'bey yat'elic soc te yantic jtsobwanejetic yu'un te soldadoetique.

Jueces 11:32

Te Jefté la yochintabey sq'uinal te amonetic, soc la sjach guerra. Te Cajwaltic la yac'bey yaiy tsalaw.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

1 Samuel 10:10

Patil c'alal c'ot ta Gabaa te Saúl soc te abat yu'une, la sta sba soc te jchajp j'alwanejetic yacalic ta aq'uel ta c'op yu'un te Diose. Te espíritu yu'un Dios noj ta yo'tan te Saúl, jich och ta aq'uel ta c'op yu'un Dios, jich nix te bit'il yantique.