Jueces 21:5 - Bible in Tzeltal de Oxchuc y Tenejapa

⁵ La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Bible in Tzeltal Bachajón

⁵ Hich la sjoc'oyic: Ta spisil te jchahpalchahp Israel ¿mach'atic a te ma ba c'ohtic ta tsoblej ta stojol Jehová? xchihic. Yu'un jc'axel yalojiquix ta jamal te mach'a ma ba ya xc'oht ta stojol Jehová ta Mizpa, ya me xlaj.

Jueces 21:5 Referans Kwoze

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

Jeremías 48:10

(Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

1 Samuel 11:7

Jich la stsac cheb wacaxetic, la sesen. La yac'bey ta sc'ab jpuc-c'opetic, jich pujc' yu'un ta spamal sq'uinal israel te sesenbil wacaxetic. Soc jich la yalic te jpuc-c'opetique: —Jich me ya yich' pasel swacaxic te mach'atic ma ba ya yac' sbaic ta stojol Saúl soc Samuel, soc teme ma ba ya st'unique —xiic ta yalel. Och xiwel ta yo'tanic ta spisil te israeletic, la syom sbaic ta jun nax, ta spisilic bajt'ic ta stojol te Saúl soc te Samuele.

Jueces 21:18

Te jo'otique ma xju' ya cac'tic xnujbinic soc cantsil-nich'nabtic, melel jpisiltic jo'otic te israelotic, calojtic ta jamal te boloben me sc'oplal te mach'a ya yac'bey yiname te benjaminetique —xiic.

Jueces 21:1

Te israeletic yalojic ta jamal ta Mizpa, te ma ba ya yac'beyic jtuluc yantsil-nich'nabic te ya xnujbinuc soc te benjaminetique.

Jueces 21:6

Te israeletic mero bayal ayic ta mel-o'tan yu'un te bi c'oem ta pasel ta stojol te yermanotac, ja' te benjaminetique. Jich la yalic: —Yo'tic loq'uix ta bulel jchajp sts'umbal Israel.

1 Samuel 14:24

Pero te israeletic mero ma'yuquix yipic, melel ma'yuc mach'a swe'oj ni jxujt'uc we'elil, scaj te ay bi jc'axel la yal ta stojol Dios te Saule. Jich yaloj: “Jc'axel ch'aybil ya xc'ot te mach'a ay bi ya swe' te c'alal ma to x'ijc'ub q'uinal, teme ma to ayuc bi jpasojbey te jcontroe”, xi'.