Jueces 21:4 - Bible in Tzeltal de Oxchuc y Tenejapa

⁴ Ta yan c'aal te israeletic jajch'ic ta sab, la spasbeyic jun scajtijib smajt'an Cajwaltic, la yac'beyic chic'bil smajt'an soc milbil majt'anil ta swenta lamal-o'tanil.

Bible in Tzeltal Bachajón

⁴ Ta schebal c'ahc'al hahchic ta sab te pueblo; la spasic scajtajib ta chiq'uel mahtanil tey a soc la yaq'uic scohtol chic'bil mahtaniletic soc mahtaniletic scuenta lamal q'uinal.

Jueces 21:4 Referans Kwoze

2 Samuel 24:25

Tey la spasbey scajtijib ta chiq'uel milbil smajt'an a te Cajwaltique. La yac'bey chic'bil smajt'an soc milbil smajt'an swenta seña te lamal-o'tanil ta stojol. Jich te Cajwaltic la yich' ta wenta te wocol albot ta stojole, la sna'bey yo'bolil sba te israeletic, jich ch'ay bael ta stojol Israel te tulan chamele.

Hebreos 13:10

Te jo'otique ay milbil smajt'an Dios cu'untic te ma xju' ya sti' te sacerdoteetic te swentainejic te nailpac' temploe.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

1 Reyes 8:64

Ja' nix ta yorail a, te muc' ajwalil la xch'ultes te yolil te amac' te ay ta sti' te templo yu'un Cajwaltic. Tey la yac'bey te smajt'an Dios te scojt'ol ya yich' chiq'uel, soc te smajt'an harina soc te xepuil te milbil smajt'an swenta lamal-o'tanile. Melel te scajtijib ta chiq'uel smajt'an Dios pasbil ta bronce te ay ta stojol te Cajwaltique, lom ch'in, jich ma ba ya x'och a te chic'bil smajt'an te Diose, te smajt'an harina soc te xepuil te milbil smajt'an Dios swenta lamal-o'tanile.

2 Samuel 24:18

Ja' nix ta yorail a, te Gad ba yil te David. C'o yalbey te ya spasbey scajtijib ta chiq'uel milbil smajt'an Cajwaltic, tey ta banti yac ta sloq'uesel spat strigo te Arauna te jebuseo-winique.

Jueces 6:26

Ts'ajc'ubeya scajtijib smajt'an Cajwaltic te Dios awu'unic, ta bay mero sni'il anjibal q'uinal te inbaye. Tsaca te jcojt' toro, ja' me te xchebale, ac'bon jmajt'anin ta chiq'uel ta scojt'ol. Ja' me ya awac'bey si'ilin te sloc'omba Asera ya aboj loq'uel —xi' te Cajwaltique.

Deuteronomio 12:5

Tey nix ta yolil te chajbalchajp ats'umbalique, te Cajwaltic ya me stsa te banti ya xnain te sbiile. Tey me ya xju' ya xba ach'uunic a.

Jueces 21:3

—Cajwaltic, Dios yu'un Israel, ¿bistuc la awac'botic c'otuc ta pasel ta jtojoltic? ¿Bit'il ay a te ya xch'ay jchajbuc te Israele? —xiic.

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.