Jueces 21:22 - Bible in Tzeltal de Oxchuc y Tenejapa

²² Teme ya xtal sc'oponotic te sme'-static o yermanotac te ach'ixetique, ya me calbeytic: ‘Jo'otic ya caltic wocol ta atojolic te ya apasbotic perdón, yu'un ma la jtabeytic yinamic ta spisilic a te c'alal ba cac'beytic guerra te lum Jabes. Te bit'il ma ja'uc la awac'beyic te ja'ex, jich ma'yuc amulic yu'un’, ya me cutic”, xiic.

Bible in Tzeltal Bachajón

²² Teme ya xtal sc'oponotcotic te static o sbanquiltac te ach'ixetic, ya calbecotic: Awocoluc, a'botcotic te ach'ixetic, yu'un ma ba la jtahbecotic yihnamic spisil te winiquetic te c'alal ay guerra. Soc ma ha'uquex te la awa'beyic, hich mayuc amulic ya xc'oht, xchihotcotic.

Jueces 21:22 Referans Kwoze

Jueces 21:18

Te jo'otique ma xju' ya cac'tic xnujbinic soc cantsil-nich'nabtic, melel jpisiltic jo'otic te israelotic, calojtic ta jamal te boloben me sc'oplal te mach'a ya yac'bey yiname te benjaminetique —xiic.

Jueces 21:1

Te israeletic yalojic ta jamal ta Mizpa, te ma ba ya yac'beyic jtuluc yantsil-nich'nabic te ya xnujbinuc soc te benjaminetique.

1 Corintios 7:2

Ja'uc me to, scaj te ay yalel ta mulile, jich yu'un juju-jtul ayuc me yinam te winique soc ayuc me smamlal te antse.

Proverbios 20:25

Ja' me syacjibal ya xc'ot te mach'a ya spas trato ta stojol te Diose, teme patil ya snop te ya sujt'es te sc'ope.

Jueces 21:14

Te benjaminetic talic. Te israeletic ja' la yac'beyic yinamin te ach'ixetic te la yiq'uic tel ta lum Jabes. Ja'uc me to, ma'yuc yipal, ma ba tic' ts'acajic spisilic a te ach'ixetique.

Jueces 21:7

¿Bi ya sc'an ya jpastic swenta yu'un ya jlebeytic yinamic te benjaminetic te cuxulic to jilele? Te jo'otic calojtic ta jamal ta stojol Cajwaltic te ma xju' cac'tic xnujbinuc soc te cantsil-nich'nabtique.

Génesis 7:13

Ja' yorail och ta barco te Noé soc te snich'nabe: te Sem, Cam, soc te Jafet, soc yinam te Noé, soc yinamic te oxtul snich'nabe.

Génesis 1:27

Jich pastaj yu'un Dios te winique, jich yilel te bit'il Diose, jtul winic soc jtul ants la spas.