Jueces 21:21 - Bible in Tzeltal de Oxchuc y Tenejapa

²¹ P'ijanic me tey a, c'alal ya xloc' tel ta ajc'ot tsojboltsojp te ach'ixetic, loc'anic me bael te bay anac'oj abaique. Tsacaic bael juju-jtul, baanic ta aq'uinalic soc.

Bible in Tzeltal Bachajón

²¹ wihq'uiluc me asitic. Te c'alal ya xloq'uic tal ta ahc'ot te ach'ixetic yu'un Silo, loc'anic tal ta ts'usubiletic, jujutuhl tsacahic ach'ix yu'un awihnamic ta yohlil te ach'ixetic yu'un Silo, bahanic soc ta sq'uinal Benjamín.

Jueces 21:21 Referans Kwoze

Jueces 11:34

C'alal sujt' bael ta sna te Jefté ta Mizpa, te yantsil-nich'an, te mero jip jtul a, loc' tel ta tael ochel yu'un ta sna, yac ta ajc'ot loq'uel tel ta stijel pandereta. Ma'yuc xan yan snich'nab a.

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

San Lucas 17:25

Ja'uc me to, neel ya xc'ax bayal swocol, soc xujt' ma'yuc sc'oplal ya xc'ot ta yo'tanic te ants-winic te cuxulic ta q'uinal ta ora to.

San Mateo 10:17

Tsajtaya me abaic ta stojol te ants-winiquetique, melel ya me yaq'uex ta sc'ab te muc'ul tsobleje, soc ya me yac'beyex castigo ta sinagogaetic,

Jeremías 31:13

Te ach'ixetic bin nax yo'tan ya x'ajc'tajic, ja' nix jich te queremetic soc te mamaletique. Jo'on ya jmuc'tesbey yo'tanic; ya jc'atp'unbey ta yutsil q'uinal te yoq'uele, soc ya cac'bey muc' yutsil yo'tanic yu'un te xc'uxul swocolique.

Eclesiastés 3:4

Ay yorail oq'uel, soc ay yorail tse'ej. Ay yorail mel-o'tan, soc ay yorail pas-q'uin.

Salmos 150:4

albeyaic yutsilal ta ajc'ot ta swenta panderoetic, albeyaic yutsilal ta swenta amayetic soc músicaetic te yich'oj cuerdaetique,

Salmos 149:3

Albeyaic yutsilal sbiil ta swenta ajc'ot, c'ajintayaic c'ayojetic soc arpaetic soc panderoetic.

2 Samuel 6:21

Jac'bot yu'un te David: —Melel nix a, la caiy ajc'ot, pero ta stojol Cajwaltic, te ja' la stsaon swenta yu'un jo'on ya jelolin te anima atat soc spisil te sts'umbale, te bit'il jo'on ochon ta jwentainwanej ta stojol te lum Israel yu'une. Ja' yu'un ajc'otajon ta stojol te Cajwaltique.

2 Samuel 6:14

Te David slapoj efod pasbil ta lino-pac', soc yac ta beel ta ajc'ot ta spisil yip.

1 Samuel 18:6

Pero te c'alal sujt' tel te soldadoetic te la smilix a te filisteo te David, ta spisil ta jpam lumetic ta sq'uinal Israel loq'uic tel antsetic ta stael te muc' ajwalil Saule. Bin nax yo'tanic yacalic ta c'ayoj soc yacalic ta ajc'ot, yacalic ta stijel pandero soc chijchijtaq'uin.

Jueces 21:20

Jich te mamaletic yu'un Israel la sticunbeyic bael c'op te benjaminetic: “Baanic, nac'a abaic ta ts'usubiletic te nopol ayic ta Silo.

Cantares 6:13

Sujt'an tel, sulamita, sujt'an tel; sujt'an tel, ya jc'an te ya quilticate. ¿Bi ya ac'an ya awilbeyic te sulamita? Ya jc'antic ya x'ajc'otajat, jich te bit'il ta campamentoetique.