Jueces 21:19 - Bible in Tzeltal de Oxchuc y Tenejapa

¹⁹ Ja'uc me to, jujun ja'wil ay muc'ul q'uin yu'un Cajwaltic ya xc'ax ta Silo, te ay ta stojol norte yu'un Betel, soc ta stojol sloq'uib c'aal yu'un te be ya xjajch' ta Betel ya xbajt' c'alal ta Siquem, soc ta stojol sur yu'un Lebona.

Bible in Tzeltal Bachajón

¹⁹ Soc la yalic xan: Ilawil, ta jujun ha'bil ay q'uin yu'un Jehová ta Silo, te ay ta stojol norte yu'un Bet-el soc ta stojol banti ya xloc' tal c'ahc'al yu'un te be ya xhahch ta Bet-el ya xbaht ta Siquem, soc ta stojol sur yu'un Lebona, xchihic.

Jueces 21:19 Referans Kwoze

San Juan 7:2

Nopolix yorail q'uin yu'un te judioetic te ya snainic nailwamale.

San Juan 5:1

Patil la sta yorail q'uin yu'un te judioetique. Jich cha'mo xan bael ta Jerusalén te Jesuse.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

1 Samuel 1:3

Te Elcana jujun ja'wil ya xloc' jajch'el ta slumal, ya xbajt' ta lum Silo ta xch'uunel soc ta yaq'uel milbil smajt'an te Cajwaltic te Spisil ya xju' yu'une. Tey ay a te cheb snich'nab sacerdote Elí: Ofni soc Finees sbiilic, ja' nix sacerdoteetic yu'un te Cajwaltique.

Jueces 18:31

Ay ta yolilic te loc'omba la spas Micaía ta spisil tel c'aal te ay ta Silo te Nailpac' Templo yu'un te Cajwaltique.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Deuteronomio 16:13

“Teme laj awo'tanic ta set'el te sit atrigoic, soc teme laj awo'tanic ta spits'el te sit ats'usubique, ya me apasic juqueb c'aal q'uin yu'un Nailwamal.

Deuteronomio 16:10

ya me apasic q'uin yu'un te Semanaetique, te ja' swenta yich'jibal ta muc' te Cajwaltic te Dios cu'untique. Ya me awaq'uic te smajt'an Dios awu'unique, ta mero spasemal me awo'tanic ya awaq'uic, chican te bi yilel te bendición yac'ojbeyex te Cajwaltic te Dios cu'untique.

Deuteronomio 16:1

“Te c'alal ya xc'ot yorail te u Abib, ya me apasic te q'uin Pascua swenta yich'el ta muc' te Cajwaltic te Dios cu'untique, melel ta u Abib ta ajc'ubal la yiq'uex loq'uel tel ta sq'uinal Egipto te Cajwaltic te Dios cu'untique.

Números 29:12

“Ta yo'lajunebal c'aal ta sjuquebal u, ay me ch'ul tsoblej awu'unic, ma me ayuc at'el ya apasic a. Juqueb me c'aal ya apasic bael te q'uin swenta quich'el ta muc' jo'on te Ajwalilone.

Números 28:26

“Te q'uin yu'un te sbabial sit awalts'unubil, c'alal ya awac'bonic te sbabial sit ya yich' set'el awu'unique, ja' me te q'uin yu'un te Semanaetique. Ay me ch'ul tsoblej awu'unic a, ma me ayuc at'el ya apasic.

Números 28:16

“Ta xchanlajunebal c'aal xjajch'el te sbabial u yu'un te ja'wile, ya me apas te q'uin Pascua ta swenta quich'el ta muc' jo'on te Ajwalilone.

Números 10:10

Soc oq'uesinaic oq'uesetic ta sc'aalelal sbujts' q'uinal ya awaiyic ta q'uin, o ja' te yach'il u, c'alal ya awaq'uic chic'bil majt'anil soc te majt'anil swenta seña te lamal-o'tanile. Jich te jo'on ya me jna'ex. Jo'on Ajwalilon te Dioson awu'unique —xi' te Cajwaltique.

Levítico 23:34

—C'opona te israeletic, jich xawalbey: “Ta yo'lajunebal c'aal te sjuquebal u, ya me yich' pasel te q'uin swenta Nailwamaletic, ya me xjalaj juqueb c'aal te q'uine, ja' me swenta quich'el ta muc' jo'on te Ajwalilone.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Levítico 23:6

“Ta yo'lajunebal c'aal sjajch'el te sbabial u ya me yich' pasel te q'uin swenta waj te ma ba yich'oj levadura, te ya yich' pasel ta swenta quich'jibal ta muc' jo'on te Ajwalilone. Juqueb me c'aal ya xjalaj ta we'el te waj ma ba yich'oj levadura.

Levítico 23:4

“Ja' in ajtal to bayal sc'oplal yu'un ya yich' pasel a te ch'ul tsoblejetic swenta quich'jibal ta muc' jo'on te Ajwalilon, ja'ic in to:

Levítico 23:2

—Albeya te israeletic te bila ya calbate: “Ja' in to, ja' sc'aalelal te bayal sc'oplal ta jtojol jo'on te Ajwalilone, ja' me te ch'ul tsoblejetic sbiil ya xc'ot awu'unique.

Jueces 21:20

Jich te mamaletic yu'un Israel la sticunbeyic bael c'op te benjaminetic: “Baanic, nac'a abaic ta ts'usubiletic te nopol ayic ta Silo.