Jueces 21:13 - Bible in Tzeltal de Oxchuc y Tenejapa

¹³ Jich yu'un ta spisilic la sticunic ta leel te benjaminetic te ayic ta sba muc'ul ton Rimón, la yalbeyic te lamalix q'uinal yu'unic soque.

Bible in Tzeltal Bachajón

¹³ Spisil te pueblo la sticonic bahel c'op ta stojol te snich'nab Benjamín te ayic ta muc'ul ton yu'un Rimón, la yalbeyic te lamalix q'uinal yu'unic.

Jueces 21:13 Referans Kwoze

Jueces 20:47

Te yantic olil xcha'bajc' (600) benjaminetic sujt'ic bael ta spatic, soc anic bael ta stojol jochol taquin q'uinal. Tey jilic chaneb u ta bay muc'ul ton Rimón.

Deuteronomio 20:10

“Teme noptsajex bael ta stojol jpam lum yu'un ya awac'beyic guerra, neel me ya awalbeyic teme ya sc'anic te lamal q'uinal ta stojolique.

Efesios 2:17

Te Cristoe xtaluc yal ta bayuc te lec yach'il c'op swenta lamal q'uinal. La yal ta atojolic ja'ex te c'ubul ayexe soc ta stojol te mach'atic nopol ayique.

San Lucas 10:5

Te bay nailuc te ya x'ochexe, patbeya yo'tan neeluc. Jich me xawalic: “Lamaluc me q'uinal ya awaiy ta anaic” xaex me.

Isaías 57:19

Soc jich ya calbey ta spisilic: “Lamaluc me q'uinal awaiyic te c'ubul ayexe, soc lamaluc me q'uinal awaiyic te nopol ayexe. Jo'on ya jlamantesbey xchamel te lum cu'une”, xoon me.

Josué 15:32

Lebaot, soc En-rimón. Ta spisil ay baluneb xcha'winic (29) ta jpam lum soc te ch'in lumetic yu'unique.

Jueces 20:45

Te mach'atic cuxulic xan jilel, sujt'ic soc loq'uic bael ta anel ta stojol jochol taquin q'uinal, c'alal ta muc'ul ton Rimón. Ay jo'mil (5,000) ta jtul laj jilel ta bebetic. Te israeletic la snutsic xan bael, la smilic cha'mil (2,000) winiquetic.

Jueces 21:12

Te mach'atic ayic ta lum Jabes ja' nax taotic jbajc' (400) ta jtul ach'ixetic te ma'yuc bay tabilic ta winique. La yiq'uic tel ta campamento ta Silo te ay ta Canaán.

Jueces 21:14

Te benjaminetic talic. Te israeletic ja' la yac'beyic yinamin te ach'ixetic te la yiq'uic tel ta lum Jabes. Ja'uc me to, ma'yuc yipal, ma ba tic' ts'acajic spisilic a te ach'ixetique.