Jueces 21:12 - Bible in Tzeltal de Oxchuc y Tenejapa

¹² Te mach'atic ayic ta lum Jabes ja' nax taotic jbajc' (400) ta jtul ach'ixetic te ma'yuc bay tabilic ta winique. La yiq'uic tel ta campamento ta Silo te ay ta Canaán.

Bible in Tzeltal Bachajón

¹² Ta yohlil te mach'atic nahinemic ta Jabes-galaad la stahic jbahc' (400) ta tuhl ach'ixetic te ma to tabiluc ta winic. La yiq'uic tal ta campamento ta Silo te ay ta sq'uinal Canaán.

Jueces 21:12 Referans Kwoze

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Jeremías 7:12

Baanic ta Silo, te sbabial awilal la jtsa swenta yu'un tey ya x'ainon a. Ilawilic bi la jpasbey scaj te bi mulil la spas te lum Israel cu'une.

Salmos 78:60

soc la yijq'uitay te templo ta Silo, te ja' sna ta yolil te ants-winiquetique.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Jueces 21:8

¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

Jueces 21:13

Jich yu'un ta spisilic la sticunic ta leel te benjaminetic te ayic ta sba muc'ul ton Rimón, la yalbeyic te lamalix q'uinal yu'unic soque.