Jueces 21:10 - Bible in Tzeltal de Oxchuc y Tenejapa

^10-11 Jich yu'un ta spisil te israeletic la sticunic bael lajchayeb ta jmil (12,000) lequil soldadoetic, la yich'ic bael mandal ta smilel ta puñal ta spisilic te jabeseoetique, alaletic soc antsetic te nujbinemique.

Bible in Tzeltal Bachajón

¹⁰ Ha yu'un te pueblo la sticonic bahel tey a j'ohlil scha'pic (12,000) winiquetic te ay yip yo'tanic, hich la spasic ta mandar: Bahanic, milahic ta espada te mach'atic nahinemic ta Jabes-galaad, soc antsetic soc alaletic.

Jueces 21:10 Referans Kwoze

1 Samuel 11:7

Jich la stsac cheb wacaxetic, la sesen. La yac'bey ta sc'ab jpuc-c'opetic, jich pujc' yu'un ta spamal sq'uinal israel te sesenbil wacaxetic. Soc jich la yalic te jpuc-c'opetique: —Jich me ya yich' pasel swacaxic te mach'atic ma ba ya yac' sbaic ta stojol Saúl soc Samuel, soc teme ma ba ya st'unique —xiic ta yalel. Och xiwel ta yo'tanic ta spisil te israeletic, la syom sbaic ta jun nax, ta spisilic bajt'ic ta stojol te Saúl soc te Samuele.

Jueces 21:5

La sjojc'obey sbaic: —¿Ta jpisiltic mach'atic a te ma ba c'otic ta tsoblej ta Mizpa? —xiic. Yu'un yalojic ta jamal te ya yich' milel te mach'atic ma ba c'otic ta tsobleje.

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Josué 7:24

Ta patil la yiq'uic bael te Acán ta stenlej xatal q'uinal yu'un Acor, soc te plata, c'u'il, te jpejch' oro, te snich'nab queremetic soc ach'ixetic, te wacaxetic soc te chijetic yu'une, te snailpac' soc spisil te bitic ay yu'une.

Deuteronomio 13:15

ya me yich'ic milel ta puñal te yajwal lum, soc spisil chambalametic yu'unic, soc jc'axel me ya alajinic spisil te bitic ay tey a.

Números 31:17

Jich yu'un milaic ta ora yo'tic ta spisil te alalqueremetic soc spisilic te antsetic te tabiliquix ta winique.

Jueces 21:8

¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

Jueces 21:9

Melel te c'alal c'ax lista, ma'yuc mach'a la sjac' sbiil te talemic ta Jabes.