Jueces 20:6 - Bible in Tzeltal de Oxchuc y Tenejapa

⁶ Jich yu'un la jtsacbey te sbaq'uetal, la jbojbey, la jpucbey bael ta spamal te jlumaltique, swenta yu'un spisil me Israel ya yaiyic stojol te bila mero c'ax amen c'ot ta pasele.

Bible in Tzeltal Bachajón

⁶ Hich la jtsacbe sbaq'uetal, la jbojticlambe, la jpucticlambe bahel ta spahmal sq'uinal Israel, ta scaj te bin chopol soc te milaw la spasic ta Israel.

Jueces 20:6 Referans Kwoze

Jueces 19:29

C'alal c'ot, la stsac tel cuchillo, la sbojbey sbaq'uetal te yantse, lajchayeb loc' yu'un a. La spuc bael ta spamal sq'uinal Israel.

Jueces 19:23

Te yajwal na la yalbey wocol: —¡Ma xapasic jich, joytic, wocoluc a! Ma me xtal apasic te bila amen, melel te winique cula' ta jna.

Josué 7:15

Te mach'a yich'oj te bila sc'oplal ya yich' jinel ta jc'axele, ya me yich' chiq'uel ta sjunal sna soc spisil te sbiluque, ta scaj te la spas te bila ma lecuc ta yolil Israel. Ma la xch'uunic te bi la cal ta atojolique —xi' te Cajwaltique.

Génesis 34:7

Te c'alal talic te snich'nab Jacob, la yaiyic stojol ta ora. Bayal la smel yo'tanic soc bayal ilinic yu'un, melel bolob sc'oplal Israel yu'un te bit'il way soc te yantsil-nich'an Jacob te Siquem, melel ma lecuc te jich la spase.

Jueces 20:10

Ya me jloq'uestic jtul ta lajuntul winiquetic ta spisil ta chajbalchajp jts'umbaltic, ja'ic me ya x'och ta swentaic sleel we'elil yu'un te soldadoetique. Te yantic ya me yac'beyic stoj te swinquilel Gabaa te bila amen la spasbey te jlumaltique —xiic.

Levítico 18:24

“Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

Levítico 18:30

Ja' yu'un, pasaic me te bila mandalil caloje, ma me xapajbeyic stalelic te la spasic te bitic mero ilaybil sba la spasic te mach'atic nainic tey a, soc ma me xapasic te bila boloben ac'oplal ya xc'oex yu'une. Jo'on Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Jueces 19:22

C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.