Jueces 20:47 - Bible in Tzeltal de Oxchuc y Tenejapa

⁴⁷ Te yantic olil xcha'bajc' (600) benjaminetic sujt'ic bael ta spatic, soc anic bael ta stojol jochol taquin q'uinal. Tey jilic chaneb u ta bay muc'ul ton Rimón.

Bible in Tzeltal Bachajón

⁴⁷ Pero ay j'ohlil scha'bahc' (600) winiquetic te suht ta spatic soc ahnic bahel ta jochol taquin q'uinal, ta muc'ul ton yu'un Rimón, tey halajic a chaneb u.

Jueces 20:47 Referans Kwoze

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Lamentaciones 3:32

Manchuc me ya yac' c'axuc jwocoltic, ja' nix jich ya sna' yo'bolil jbatic. Melel te xc'uxul yo'tane mero muc' ta jyalel.

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Jueces 21:13

Jich yu'un ta spisilic la sticunic ta leel te benjaminetic te ayic ta sba muc'ul ton Rimón, la yalbeyic te lamalix q'uinal yu'unic soque.

Jueces 20:46

Ta spisilic lajic jo'eb xcha'winic ta jmil (25,000) te mero lequil soldadoetic sts'umbal Benjamín.

Jueces 20:48

Te israeletic ora la yac'beyic guerra te yantic benjaminetic, laj ta puñal te juju-jpam lume. La smilbeyic te xchamsbalamic soc spisil te bitic la staic ta be, soc la xchiq'uic te lumetique.

Zacarías 14:10

Ta spisil te slum-sq'uinalic ya me xc'atp'uj ta muc'ul spamlej, ya xjajch' ta Geba c'alal ta Rimón, te ay ta sur yu'un Jerusalén. Te Jerusalén toyol me ya xjil yu'un, ay me mach'atic ya x'ochic ta nainel tey a, ya xjajch' ta yochibal lum te Benjamín sbiile, ja' to ta banti ay te yochibal lum ta namey, soc ja' to ta yochibal lum te Xujc' sbiile. Soc ya xjajch' ta toyol balal ts'ajc' Hananeel c'alal ta banti ya yich' pits'el te ts'usub yu'un te muc' ajwalile.