Jueces 20:41 - Bible in Tzeltal de Oxchuc y Tenejapa

⁴¹ Te israeletic la sut sbaic bael ta ora. Te benjaminetic xiwic yu'un te ay bi muc' talix ta stojolique.

Bible in Tzeltal Bachajón

⁴¹ Hich te winiquetic yu'un Israel suht ta spatic, te snich'nab Benjamín noj xiwel ta yo'tanic, yu'un la yilic te c'ohtix ta scuentahic te lajinel.

Jueces 20:41 Referans Kwoze

2 Pedro 2:12

Yan in winiquetic to, pajal c'oemic soc chambalametic, te ma sna'ic q'uinale. Ja' nax cuxulic yu'un te ya yich'ic tsaquel ta milele, jich nix ya xlajic uuc te bit'il te chambalametique. Melel ya slabanic te bila ma sna'ic stojole.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

San Lucas 21:26

Te ants-winiquetic ya me xch'ayic ta q'uinal yu'un xiwel ta smaliyel spisil te bila ya xc'ot ta pasel ta balumilale, melel ya me yich' tijel te bitic ay yipic ta yolil te ch'ulchane.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

Proverbios 11:5

Te mach'a toj yo'tan, ja' ya xtojob ta beel yu'un; yan te mach'a amen yo'tane, ja' nix ya xyalesot yu'un te bila amen ya spase.

Proverbios 11:6

Te stojil chajbanele ya yac' ta libre yu'un te mach'atic toj yo'tanique; yan te mach'atic jbic'tal-o'tanetique, ja' ya x'ac'otic ta chuquel yu'un te bila ya smulanique.

Proverbios 29:6

Te pejts' ta bay ya xyal te mach'a amen yo'tan, ja' te smule; yan te mach'a lec yo'tane, jujun c'aal bujts'an q'uinal ya yaiy soc bin nax yo'tan stuquel.

Josué 8:20

Te winiquetic yu'un te lum Hai, te c'alal la sujt'es sba yilic, xtometix moel xch'ailel te lum c'alal ta toyol te la yilique. Ma'yuc bay ya xju' ya xloq'uic ta anel ni jtebuc, melel te israeletic te anic bael yilel ta sbelal jochol taquin q'uinal, sujt'ic tel, och yac'bey sbaic guerra soc.