Jueces 20:40 - Bible in Tzeltal de Oxchuc y Tenejapa

⁴⁰ Ja'uc me to, jajch' ta loq'uel xch'ailel te lume. La yil sujt'el te benjaminetic, la yilic te bit'il xpulpon nax ta tilel c'ajc', soc te xch'ailel c'alal ta toyol.

Bible in Tzeltal Bachajón

⁴⁰ Pero c'alal hahch ta mohel te ch'ahil ta pueblo, la suht sitic te snich'nab Benjamín, la yilic te sch'ahilel te pueblo te yac ta mohel ta ch'ulchan.

Jueces 20:40 Referans Kwoze

Josué 8:20

Te winiquetic yu'un te lum Hai, te c'alal la sujt'es sba yilic, xtometix moel xch'ailel te lum c'alal ta toyol te la yilique. Ma'yuc bay ya xju' ya xloq'uic ta anel ni jtebuc, melel te israeletic te anic bael yilel ta sbelal jochol taquin q'uinal, sujt'ic tel, och yac'bey sbaic guerra soc.

Apocalipsis 19:3

La yalic xan: “¡Ay yutsilal! Sbajt'el q'uinal yac ta moel xch'ailel te muc'ul lume”, xiic ta aw.

Joel 2:30

Ya me cac' chicnajuc jchajp at'eliletic ta ch'ulchan soc ta lumq'uinal te muc' sc'oplale: Ch'ich', c'ajc' soc pimil ch'ail ta lumq'uinal.

Cantares 3:6

¿Bila a te yac ta talel ya quiltic ta jochol taquin q'uinale, yac ta talel ta yolil ch'ail, ta yolil xch'ailel mirra soc xch'ailel pom, soc spisil ta jchajp te perfumeetique?

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Jueces 19:16

Ja'uc me to, ajc'ubalix a te c'ax tel jtul mamal te sujt' tel ta yat'el ta sc'al. Te mamal ay ta witstiquil yu'un Efraín, ja' nax yu'un te talem ta nainel ta Gabaa, melel te mach'atic nainemic ta lum ja'ic te mach'atic sts'umbal Benjamín.