Jueces 20:34 - Bible in Tzeltal de Oxchuc y Tenejapa

³⁴ la yac'beyic guerra te lume. Ay lajunmil (10,000) ta jtul israeletic te mero lequic yu'un guerra te ba yac'beyic guerra te Gabaa. Jich toy te guerrae. Te benjaminetic ma ba la sna'ic stojol te nopol ya xch'ayiquixe.

Bible in Tzeltal Bachajón

³⁴ Ay jpic soc ho'bahc' (10,000) ta tuhl tsahbil winiquetic ta spisil Israel te tal ya'beyic guerra te Gabaa, hich tulanij te guerra yu'unic. Pero te snich'nab Benjamín ma ba la sna'ic te nopol ya xc'oht ta stojolic te lajinele.

Jueces 20:34 Referans Kwoze

Josué 8:14

C'alal la yil te ajwalil yu'un Hai te scontroe, loq'uic tel ta animal soc spisil te swinictaque, swenta yu'un tal stsal sba soc te israeletic te banti ya xchicnaj spamlej yu'un Jordán. Mero ma la sna' teme ay yantic israeletic snac'oj sbaic ta bay spat te lume.

Isaías 47:11

Ja'uc me to, ya xtal te woclajel ta atojol, ma xju' awu'un scomel manchuc me ay bitic chujc'ul te ya apase. Ya me xtal ta atojol te muc'ul woclajele, ma xju' awu'un smaquel; ja' te tulan woclajel ta atojol te ma na'biluc te ora nax ya xtale.

Job 21:13

Jich bayal bila ay yu'unic a ya xlajic bael ta q'uinal; bin nax yo'tanic ya xcoic bael ta muquenal ch'en.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

Eclesiastés 9:12

Soc yan xan, ma'yuc mach'a sna'oj te bi c'aalil ya xc'ot yorail; jich c'oem te bit'il chayetic macal ya xjil ta stsacjibal, jich te bit'il ja'mal mut ya x'och ta pejts'e. Ja' nix jich te ants-winique, xujt' ma'yuc bi ya sna' a; c'alal ya yil julix tel yorail wocol ta stojol.

Proverbios 29:6

Te pejts' ta bay ya xyal te mach'a amen yo'tan, ja' te smule; yan te mach'a lec yo'tane, jujun c'aal bujts'an q'uinal ya yaiy soc bin nax yo'tan stuquel.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Jueces 20:35

Te Cajwaltic la yac'bey israeletic te ya stsalic te benjaminetique. Ja' yorail a te israeletic la smilic jo'eb xcha'winic ta jmil soc jo'winic (25,100) soldadoetic te sts'umbal Benjamín.