Jueces 20:32 - Bible in Tzeltal de Oxchuc y Tenejapa

³² La scuyic te yu'un yacalic ta anel bael yu'unic, soc te ju'emix yu'unic ta sc'opic jich bit'il cheb buelta. Ja'uc me to, te israeletic yac ta c'ubul jilel yu'unic yilel te lume swenta yu'un ya xnutsotic bael yu'un te scontroic ta bebetic.

Bible in Tzeltal Bachajón

³² Hich yac yalbelic te snich'nab Benjamín: Tsalbiliquix cu'untic, hich te bin ut'il ta yan buelta, xchihic. Pero te snich'nab Israel yalojic: Ya x'ahnotic bahel, hich ya xloq'uic tal ta pueblo c'alal ta behbetic, xchihic.

Jueces 20:32 Referans Kwoze

Josué 8:5

Te jayeb xan soldadoetic ya xjile, ya me xtalon soc ta stojol te lume. Te c'alal ya xloq'uic tel te yajwal lum Hai ta stsalbelotic, ya me x'anotic loq'uel ta stojolic yilel, jich te bit'il la spasbotic ta neelale.

Jueces 20:31

Jich yu'un te mach'atic sts'umbal Benjamín loq'uic tel, la snutsic bael ta yac'beyel guerra te israeletique. Ay ju' yu'unic smilel, ay niwan lajuneb xcha'winic (30) ta jtul israeletic ta bebetic bael yu'un Betel soc Gabaa soc ta bay aquiltic.

Jueces 20:33

Te israeletic loq'uic tel ta ora te bay ayique, la xchol sbaic ta guerra ta bay Baal-tamar. Ja' nix jich loq'uic tel te yantic israeletic te snac'oj sbaic ta aquiltic ta sjoyobal te lum Gabaa,

Jueces 20:39

Te c'alal te israeletic te yacaliquix ta anel yilele la yilic te ch'aile, sujt'ic bael ta yaq'uel guerra te soldado-benjaminetique. Te benjaminetic ju' yu'unic smilel lajuneb xcha'winic (30) ta jtul israeletic, ja' la yich'ic ta muc' a, la scuyic te tsalbilix yu'unic ta sc'opic, jich bit'il ta sbabial buelta guerra.

Josué 8:6

Ya me snutsotic bael, jich me ya scuyic te ayotic ta anel ta yan bueltae.