Jueces 20:26 - Bible in Tzeltal de Oxchuc y Tenejapa

²⁶ Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

Bible in Tzeltal Bachajón

²⁶ Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

Jueces 20:26 Referans Kwoze

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

2 Crónicas 20:3

Te Josafat xiw yo'tan yu'un, la snop te ya sjojc'obey te Cajwaltique. La spucbey sc'oplal te ya scom swe'elic ta spamal Judá.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Jueces 20:25

Te benjaminetic cha'loq'uic tel ta Gabaa, la smilic xan waxaclajuneb ta jmil (18,000) soldado-israeletic.

Jueces 21:2

Ja'uc me to, la stsob sbaic ta Betel ta stojol Dios ja' to c'alal och ajc'ubal, la yoc'tay sbaic, jich la yalic ta stojol:

1 Samuel 11:4

Te jpuc-c'opetic yu'unic c'otic c'alal ta Gabaa te banti nainem te Saúl, la yalbey yaiyic te yajwal lume. C'alal la yaiyic, jajch'ic ta buen oq'uel yu'un.

Jeremías 36:9

Ta sbalunebal u ta yo'ebal ja'wil yat'el ta ajwalil a te Joacim, snich'an Josías, te muc' ajwalil yu'un Judá, la yich' pucbeyel sc'oplal te ya spasic ayuno ta stojol Cajwaltic ta spisilic te mach'atic yajwal Jerusalén soc mach'atic ay talemic ta yantic lumetic yu'un Judá.

Génesis 28:19

Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Josué 24:1

Te Josué la stsob ta Siquem spisil ta jchajp te sts'umbal Israel. La yic' ta stojol Cajwaltic te mamaletic yich'oj yat'elic, jwolwanejetic, jchajbanwanejetic soc te yantic ay yat'elique.

Jueces 21:4

Ta yan c'aal te israeletic jajch'ic ta sab, la spasbeyic jun scajtijib smajt'an Cajwaltic, la yac'beyic chic'bil smajt'an soc milbil majt'anil ta swenta lamal-o'tanil.

2 Samuel 3:35

Patil ba yalbeyic wocol te David te yacuc we'uc jtebuc te bit'il ma to ba c'axem te c'aale, pero te David jich la yal ta jamal: —Ac'a yac'bon tulan castigo te Cajwaltic teme ya jwe' pan o yan we'elil te c'alal ma to ba malem c'aal a —xi'.