Jueces 20:22 - Bible in Tzeltal de Oxchuc y Tenejapa

^22-24 Jich yu'un te israeletic bajt'ic ta Betel ta oq'uel ta stojol Cajwaltic, c'alal ta yijc'ubel q'uinal. Tey la sjojc'oyic teme ya to xcha'sujt'ic ta guerra soc te yermanotac, ja' te sts'umbal Benjamín. Te Cajwaltic la yalbey te ac'a bajt'uquic xan ta guerra soc, jich la staic xan smuc'ul yo'tanic. Jich yu'un, ta yan c'aal ochic ta guerra soc te benjaminetic, tey nix ta bay la spasic ta yan c'aal.

Bible in Tzeltal Bachajón

²² Te winiquetic yu'un Israel la smuc'ubtesbe sba yo'tanic, suhtic bahel ta yaq'uel guerra tey nix te banti la schol sbahic ta shahchibal;

Jueces 20:22 Referans Kwoze

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

2 Samuel 11:25

Te David la yalbey te abate: —Albeya te Joab te ma'yuc bayal sc'oplal te bi c'ot ta pasele. Bi c'an cutic, melel scaj te guerra. Pero ac'a yac' xan puersa ta yaq'uel guerra te lume, asta ja' to teme jc'axel la slajine. Te ja'ate ac'beya xan me yip yo'tan —la yut.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

Jueces 20:17

Te yantic israeletic la stsob sbaic jbajc' ta jmil (400,000) te ya sna'ic guerra ta lec.

Jueces 20:15

Te soldadoetic ta lumetic yu'un Benjamín la xchajban sbaic waqueb xcha'winic ta jmil (26,000). Ma ba la yich' ta ajtayel te jo'lajunwinic xcha'bajc' (700) winiquetic tsabil te ayic ta lum Gabaa.

Jueces 20:21

Ja'uc me to, te benjaminetic loq'uic tel. Ta jun nax c'aal la smilic cheb xcha'winic ta jmil (22,000) israeletic.