Jueces 20:13 - Bible in Tzeltal de Oxchuc y Tenejapa

¹³ Ac'botic ta jc'abtic te winiquetic te amen yo'tanic te ayic ta Gabaa, swenta yu'un ya jmiltic, jich me ya xlecub te jlumaltic te bit'il ya yich' loq'uesel te mulile”, xiic. Te sts'umbal Benjamín ma la yich'beyic ta muc' sc'op te yermanotaque.

Bible in Tzeltal Bachajón

¹³ A'botcotic ta jc'abcotic te chopol winiquetic te ayic ta Gabaa, scuenta yu'un ya jmilcotic, hich ya jloq'uestic a te bin chopol ay ta Israel, xchihic. Pero te mach'atic yu'un Benjamín ma ba la yich'ic ta cuenta te sc'op te yermanotac, ha te snich'nab Israel.

Jueces 20:13 Referans Kwoze

Jueces 19:22

C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.

Deuteronomio 17:12

Te mach'a capal soc stoybail ya xjajch' ta at'ele, te ya xc'axintay te bila la yalix ta jamal te sacerdote te yac yac'bel sba ta abatinel yu'un Cajwaltic tey a, o ja' te bila la yalix ta jamal te juece, ya me yich' milel yu'un. Jich me ya xlaj a te bila amen ta pasel ta sq'uinal Israel.

Deuteronomio 13:13

winiquetic tey a te xc'axintaybeyejic smandal te Diose, soc te ya yac'beyex jowejuc awo'tanic, te ya sujex ta xch'uunel yantic diosetic te ma x'ana'beyic sbae,

Romanos 1:32

Te mach'atic jich yat'elique, sna'ojic stojol ta lec te bit'il ay ich'el ta c'op yu'un te mulile. Soc sna'ojic stojol teme ya spasic in mulil to, ja' ya stojic ta lajel yu'un. Ja'uc me to, jich yacalic ta spasel spisil ora, soc bin nax yo'tanic yu'un te jich nix yacalic spasel uuc te yantique.

Oseas 10:9

Ya yal te Cajwaltique: —Te Israel ma ba ya scom sba ta sleel smul, ja' to c'alal jajch' tel ta spasel ta Gabaa. Te smulic stalel ay soc. Jich yu'un ya me xtaotic yu'un guerra te mach'atic amenic ta Gabaa.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Eclesiastés 11:10

Loq'uesa ta ajol te bitic ya yac' mel-o'tane, soc ch'oja loq'uel te chujc'ul c'opetique. Melel te yutsilal te ach'iele, c'axel nax ay, mero tojol ta jyalel.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

2 Crónicas 25:20

Ja'uc me to, te Amasías ma la yich' ta muc', melel te Diose yu'un nix jich chapalix yu'un a te ya yac'bey ta sc'ab Joás, ja' yu'un te ja' bajt' ta yo'tan yalel wocol ta stojol te diosetic yu'un Edom.

2 Crónicas 25:16

Ja'uc me to, te c'alal jich la yal te j'alwaneje, te muc' ajwalil la sjac': —¿Yu'un bal awich'oj awat'el ta jconsejero ta jtojol jo'on te muc' ajwalilone? Ma me xc'opojat. ¿Yu'un bal ya ac'an ya awich' milel? —xi'. Te j'alwaneje ma la yalbeyix bayal aiyej, ja' xanix la yalbey: —Ya jna' te ayix ta yo'tan Dios te ya sjinat ta swenta bit'il jich la apas soc ta scaj te ma xach'uun te bi la calbate —la yut.

2 Crónicas 13:7

Ay winiquetic la sjoin sba soc te bol yo'tanique, la stoybac'optayic te Roboam te snich'an Salomón. Yu'un querem to a te ma la sna' snopel te bi ya spase, jich ma ju' yu'un ta situybel sba soc.

1 Reyes 21:13

C'ot cheb lotil testigoetic, la slebeyic smul te Nabot ta stojol te lume. La yalic ta jamal ta lot te la yixtac'optay Dios soc te la yixtac'optay te muc' ajwalil te Nabot. Jich la sloq'uesic bael ta ti'lum, tey c'o smilic ta ch'ojel ta ton a.

2 Samuel 23:6

Yan te mach'atic amen yat'elic jichic te bit'il ch'ix ch'aybilixe, te ma'yuc mach'a ya xju' ya stsac ta sc'abe.

2 Samuel 20:1

Tey ta Gilgal ay jtul winic amen yo'tan, sts'umbal Benjamín, Seba sbiil, te patil alnich'an yu'un Bicri. Te Seba la stsob jajch'el ta guerra te israeletic, jich la yalbey: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! —xi'.

1 Samuel 30:22

Pero te jayeb swinictac David te mero amenique, te ya smulanic yixlanel te c'ope, jich la yalic: —Te mach'atic ma ba sjoinejotic c'oele, ma ba ya yich'ic aq'uel stuquelic te bitic la jtatic tele. Ja' nax ac'a yiq'uic bael te yinamic soc te snich'nabic, ac'a bajt'uquic —xiic.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.

Deuteronomio 24:7

“Teme ay jtul israel te yac ta yelc'anel bael jtul slumal te ya xtaote, teme yu'un ya yac' ochel ta yabat, o teme yu'un ya xchone, ac'a me yich' ticunel ta milel te mach'a jich ya spase, swenta yu'un jich me ya xlaj te bila amen ya xchicnaj ta awolilique.

Deuteronomio 22:24

ya me yich'ic iq'uel bael xchebalic ta stojol chajbajibal yu'un te lume. Tey me ya yich'ic aq'uel ta milel ta ch'ojel ta ton a. Te ach'ixe ja' smul te ma ba awun ta sc'anel coltayel te bit'il ay ta yut lume. Te winique ja' smul te la sboltesbey sc'oplal te ants yu'un te mach'a pajal winic soque. Jich me ya xlaj te bila amen ta pasel ta awolilique.

Deuteronomio 22:21

ac'a me sloq'uesic bael ta sna te state. Te winiquetic yu'un te slumale ya me smilic ta ch'ojel ta ton, swenta bit'il la spas bila mero amen ta pasel ta yolil Israel, soc la sboltesbey sc'oplal te mach'atic ay yu'un te state. Jich me ya xlaj te bila amen ta awolilique.

Deuteronomio 21:21

Ja' yu'un, ta spisil te winiquetic yu'un te lume, ya me smilic ta ch'ojel ta ton. Jich me ya xlaj a te bila amen ta pasel ta yolil te alumalique. Melel te c'alal ya yaiyic te israeletic te jich c'ot ta pasele, ya me xiw yo'tanic yu'un.

Deuteronomio 19:19

ja' me ya xc'ot ta swenta te castigo te yac ta sc'anel ta stojol te yane. Jich me ya xlaj a te bila amen ta pasel ta awolilique.

Deuteronomio 17:7

Te testigoetique ja' sbabial ya xch'ojic ta ton te mach'a ya yich' milel, patil ya me yaq'uic ta spisil te yajwal te lume. Jich me ya xlaj a te mach'a amen ya xchicnaj ta awolilique.

Deuteronomio 13:5

Te j'alwanej o waichejele ya me yich' milel, melel ya yac'beyex atoy abaic ta stojol te Cajwaltic te Dios cu'untique, ja' te la scoltayotic loq'uel tel te c'alal ayotic ta c'abal ta mozoinel ta Egipto, soc te bit'il la sc'an te la yac'beyex awijq'uitayic te be yac'ojbeyex at'unic te Cajwaltic te Dios cu'untique. Jich me ya xlaj a te bitic amen ya xchicnaj ta awolilique.

2 Corintios 6:15

¿Jun bal yo'tan sba soc Cristo te Satanase? ¿Ya bal snujp'in sba soc te mach'a xch'uunej Dios te mach'a ma xch'uunejuque?

Jueces 20:12

La sticunic bael c'op ta spamal sq'uinal te sts'umbal Benjamín te la yich' alel ta stojolic: “¿Bistuc te mulil la yich' pasel awu'unic?

Jueces 20:14

Spisil te benjaminetic te ayic ta lumetic jajch' stsob sbaic ta Gabaa, swenta yu'un ya xba yac'beyic guerra te yantic israeletique.

Deuteronomio 13:6

“Manchuc me mero abanquil o awijts'in, aquerem-nich'anuc, awantsil-nich'anuc, o awinam te mero c'ux ta awo'tane, o ja' te mach'a mero jun awo'tan aba soc, teme ya sujat bael ta smuquen-ch'uunel yantic diosetique, te ma x'ana'beyic sba soc te ni ja'uquic te ame'-atatic la sna'beyic sba, ma me ja'uc xapasbeyic te bila ya sc'an yo'tanic stuquelique.