Jueces 20:10 - Bible in Tzeltal de Oxchuc y Tenejapa

¹⁰ Ya me jloq'uestic jtul ta lajuntul winiquetic ta spisil ta chajbalchajp jts'umbaltic, ja'ic me ya x'och ta swentaic sleel we'elil yu'un te soldadoetique. Te yantic ya me yac'beyic stoj te swinquilel Gabaa te bila amen la spasbey te jlumaltique —xiic.

Bible in Tzeltal Bachajón

¹⁰ Ya jloq'uestic lajuntuhl winiquetic ta ho'ho'winic (100) ta spisil ta chahpalchahp yu'un Israel, soc ho'winic (100) ta jujumil, soc jmil ta lajlajunmil, te ya yich'beyic bahel we'elil yu'un te winiquetic ya xbaht yaq'uic guerra, scuenta yu'un te c'alal ya xc'ohtic ta Gabaa ta sq'uinal Benjamín hich ya xhu' ya ya'beyic stoj spisil te bin chopol la spasic ta Israel, xchihic.

Jueces 20:10 Referans Kwoze

Jueces 20:9

Te bila ya sc'an ya jpastique, ja' te ya jpastic snúmero ta na'el te mach'atic ya xba yac'beyic guerra te lum Gabaa.

Jueces 20:11

Spisil israeletic jun nax la yac' sbaic ta yac'beyel guerra te lume, jich c'oem te bit'il jtul nax winic.

Levítico 18:24

“Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

Deuteronomio 22:21

ac'a me sloq'uesic bael ta sna te state. Te winiquetic yu'un te slumale ya me smilic ta ch'ojel ta ton, swenta bit'il la spas bila mero amen ta pasel ta yolil Israel, soc la sboltesbey sc'oplal te mach'atic ay yu'un te state. Jich me ya xlaj te bila amen ta awolilique.

Josué 7:15

Te mach'a yich'oj te bila sc'oplal ya yich' jinel ta jc'axele, ya me yich' chiq'uel ta sjunal sna soc spisil te sbiluque, ta scaj te la spas te bila ma lecuc ta yolil Israel. Ma la xch'uunic te bi la cal ta atojolique —xi' te Cajwaltique.

Jueces 20:6

Jich yu'un la jtsacbey te sbaq'uetal, la jbojbey, la jpucbey bael ta spamal te jlumaltique, swenta yu'un spisil me Israel ya yaiyic stojol te bila mero c'ax amen c'ot ta pasele.

Jueces 21:1

Te israeletic yalojic ta jamal ta Mizpa, te ma ba ya yac'beyic jtuluc yantsil-nich'nabic te ya xnujbinuc soc te benjaminetique.